ಬಲು ರಮ್ಯವಾಗಿದೆ ಶ್ರೀಹರಿಯ ಮಂಚ / Balu Ramyavaagide Shreehariya Mancha

ಬಲು ರಮ್ಯವಾಗಿದೆ ಶ್ರೀಹರಿಯ ಮಂಚ

ರಚನೆ : ಶ್ರೀ ಜಗನ್ನಾಥ ದಾಸರು 

ರಾಗ : ನಾಟ

ತಾಳ : ಝಂಪೆ

ಬಲು ರಮ್ಯವಾಗಿದೆ ಶ್ರೀಹರಿಯ ಮಂಚ || ಪ ||

ಯಲರುಣಿ ಕುಲ ರಾಜ ರಾಜೇಶ್ವರನ ಮಂಚ || ಅ.ಪ ||

ಪವನ ತನಯನೆನಿಪ ಪಾವನತರ ಮಂಚ |
ಭುವನತ್ರಯವ ಪೊತ್ತ ಭಾರಿ ಮಂಚ |
ಕಿವಿಗಳಿಲ್ಲದ ಮಂಚ ಶ್ರೀನಿಕೇತನ ಮಂಚ |
ಶಿವರೂಪದಲಿ ಶ್ರೀಹರಿಯ ಒಲಿಸಿದ ಮಂಚ || 1 ||

ನೀಲಾಂಬರವನುಟ್ಟು ನಳನಳಿಸುವ ಮಂಚ |
ನಾಲಿಗೆ ಎರಡುಳ್ಳ ನೈಜ ಮಂಚ |
ನಾಲ್ವತ್ತು ಕಲ್ಪದಿ ತಪವ ಮಾಡಿದ ಮಂಚ |
ತಾಲ ಮುಸಲ ಹಲವ ಪಿಡಿದಿಹ ಮಂಚ || 2 ||

ರಾಮನನುಜನಾಗಿ ರಣವ ಜಯಿಸಿದ ಮಂಚ |
ತಾಮಸ ರುದ್ರನ ಪಡೆದ ಮಂಚ |
ಭೀಮನನುಜನೊಳು ಆವೇಶಿಸಿದ ಮಂಚ |
ಜೀಮೂತ ಮಲ್ಲರನು ಕುಟ್ಟಿದ ಮಂಚ || 3 ||

ಜೀವ ನಾಮಕನಾಗಿ ವ್ಯಾಪ್ತನಾದ ಹರಿಯ |
ಸೇವಿಸಿ ಸುಖಿಸುವ ದಿವ್ಯ ಮಂಚ |
ಸಾವಿರ ಮುಖದಿಂದ ಸ್ತುತಿಸಿ ಹಿಗ್ಗುವ ಮಂಚ |
ದೇವಕಿಯ ಜಠರದಲಿ ಜನಿಸಿದ ಮಂಚ || 4 ||

ವಾರುಣಿ ದೇವಿಗೆ ವರನೆನಿಸಿದ ಮಂಚ |
ಸಾರುವ ಭಕ್ತರ ಪೊರೆವ ಮಂಚ |
ಕಾರುಣ್ಯ ನಿಧಿ ಜಗನ್ನಾಥ ವಿಠ್ಠಲನ
ವಿಹಾರಕ್ಕೆ ಯೋಗ್ಯವಾದ ಶೇಷಮಂಚ || 5 ||

Balu Ramyavaagide Shreehariya Mancha

Author : Shree Jagannatha Dasaru

Raaga : Naata 

Taala: Jhampe

balu ramyavaagide shreehariya mancha || pa ||
yalaruNi kula raaja raajEshwarana mancha|| a.pa ||

pavana tanayanenipa paavanatara mancha|
bhuvanatrayava potta bhaari mancha|
kivigaLillada maMca shreenikEtana mancha|
shivaroopadali shreehariya olisida mancha|| 1 ||

neelaaMbaravanuTTu naLanaLisuva mancha|
naalige eraDuLLa naija mancha|
naalvattu kalpadi tapava maaDida mancha|
taala musala halava piDidiha mancha|| 2 ||

raamananujanaagi raNava jayisida mancha|
taamasa rudrana paDeda mancha|
bheemananujanoLu aavEshisida mancha|
jeemoota mallaranu kuTTida mancha|| 3 ||

jeeva naamakanaagi vyaaptanaada hariya |
sEvisi sukhisuva divya mancha|
saavira mukhadiMda stutisi higguva mancha|
dEvakiya jaTharadali janisida mancha|| 4 ||

vaaruNi dEvige varanenisida mancha|
saaruva bhaktara poreva mancha|
kaaruNya nidhi jagannaatha viThThalana
vihaarakke yOgyavaada mancha|| 5 ||

Listen to song here