ನೆರೆ ನಂಬಿದೆ​ / Nere Nambide

ನೆರೆ ನಂಬಿದೆ

ರಚನೆ: ಶ್ರೀ ಕಲ್ಲೂರು ಸುಬ್ಬರಾಯಾಚಾರ್ಯರು​

ನೆರೆ ನಂಬಿದೆ ಮದ್ಹೃದಯ ಮಂಟಪದೊಳು​

ಪರಿಶೋಭಿಸುತಿರು ಪಾಂಡುರಂಗ ||ಪ||​
ಶರಣು ಜನರ ಸಂಸಾರ ಮಹಾ ಭಯ​
ಹರಣ ಕರುಣ ಸಿರಿ ಪಾಂಡುರಂಗ||ಅಪ||​

ನೆರೆದಿಹ ಬಹುಜನರೋಳಿದ್ದರು ಮನ​
ಸ್ಥಿರ ವಿಡು ನಿನ್ನಲಿ ಪಾಂಡುರಂಗ​
ಪರರಾಪೇಕ್ಷೆಯ ಬಿಡಿಸಿ ನಿರಂತರ​
ಪರಗತಿ ಪಥ ತೋರೊ ಪಾಂಡುರಂಗ ||೧||​

ಪರದೇವನೆ ನಿನ್ನ ಲೀಲಾ ಸ್ಮೃತಿಯನು
ನಿರುತ ಎನಗೆ ಕೊಡು ಪಾಂಡುರಂಗ​
ಪರಿಪರಿ ಕೆಲಸವು ನಿನ್ನ ಮಹಾಪೂಜೆ
ನಿರುತ ಎನಗೆ ಕೊಡು ಪಾಂಡುರಂಗ ||೨||​

ಸುಖವಾಗಲಿ ಬಹು ದುಃಖವಾಗಲಿ ​
ಸಖ ನೀನಾಗಿರು ಪಾಂಡುರಂಗ​
ನಿಖಿಲಾಂತರ್ಗತ ವ್ಯಾಸ ವಿಠಲ ತವ ​
ಮುಖ ಪಂಕಜ ತೋರೊ ಪಾಂಡುರಂಗ ||೩||​

Nere Nambide

AUTHOR : SHRI KALLOORU SUBBARAAYAACHAARYARU​

NERE NAMBIDE MADH HRUDAYA MANTAPADOLU​
PARISHOBHISUTIRU PAANDURANGA ||​
SHARANA JANARA SAMSAARA MAAHAA BHAYA​
HARANA KARUNA SIRI PANDURANGA​ || A PA||​

NEREDIHA BAHU JANAROLIDDARU​
MANA STHIRAVIDU NINNALI ​PANDURANGA
​PARARAAPEKSHEYA BIDISI NIRANTHARA​
PARAGATHI PATHA THORO PANDURANGA ||1||​

PARADEVANE NINNA LEELA SMRUTIYANU​
NIRUTA ENAGE KODU PANDURANGA​
PARIPARI KELASAVU NINNA MAHAA ​POOJE​
NIRUTHA ENAGE KODU PANDURANGA||2||​

SUKHAVAGALI BAHU DHUHKAVAGALI​
SAKHA NEENAGIRU PANDURANGA​
NIKILANTHARGATHA VYASA VITALA THAVA ​
MUKHA PANKAJA THORO PANDURANGA ||3||​

Listen to song here

ಈ ಪರಿಯ ಸೊಬಗಾವ ದೇವರಲಿ ಕಾಣೆ / Ee pariya sobagava devarali kane

ಈ ಪರಿಯ ಸೊಬಗಾವ ದೇವರಲಿ ಕಾಣೆ

ರಚನೆ : ಶ್ರೀ ಪುರಂದರ ದಾಸರು

ಈ ಪರಿಯ ಸೊಬಗಾವ ದೇವರಲಿ ಕಾಣೆ ।।ಪ।।
ಗೋಪೀಜನಪ್ರಿಯ ಗೋಪಾಲಗಲ್ಲದೆ ।।ಅ.ಪ।।

ದೊರೆಯತನದಲ್ಲಿ ನೋಡೆ ಧರಣಿದೇವಿಗೆ ರಮಣ
ಸಿರಿಯತನದಲಿ ನೋಡೆ ಶ್ರೀಕಾಂತನು
ಹಿರಿಯತನದಲಿ ನೋಡೆ ಸರಸಿಜೋದ್ಭವನಯ್ಯ
ಗುರುವುತನದಲಿ ನೋಡೆ ಜಗದಾದಿಗುರುವು ।।೧।।

ಪಾವನತ್ವದಿ ನೋಡೆ ಅಮರಗಂಗಾಜನಕ
ದೇವತ್ವದಲಿ ನೋಡೆ ದಿವಿಜರೊಡೆಯ
ಲಾವಣ್ಯದಲಿ ನೋಡೆ ಲೋಕಮೋಹಕನಯ್ಯ
ಆವಾ ಧೈರ್ಯದಿ ನೋಡೆ ಲೋಕಮೋಹಕನಯ್ಯ ।।೨।।

ಗಗನದಲಿ ಸಂಚರಿಪ ಗರುಡದೇವನೆ ತುರುಗ
ಜಗತೀಧರ ಶೇಷ ಪರಿಯಂಕ ಶಯನ
ನಿಗಮಗೋಚರ ಪುರಂದರವಿಠಲಗಲ್ಲದೆ
ಮಿಗಿಲಾದ ದೈವಗಳಿಗೀ ಭಾಗ್ಯವುಂಟೆ ।।೩।।

Ee pariya sobagava devarali kane 

Author : Shri Purandara Dasaru

Ee pariya sobagava devarali kane ||pa||
Gopijanapriya gopalagallade ||a.pa||

Doreyatanadalli node dharanidevige ramana
Siriyatanadali node srikantanu
Hiriyatanadali node sarasijodbavanayya
Guruvutanadali node jagaadadiguruvu ||1||

Pavanatvadi node amaragangajanaka
Devatvadali node divijarodeya
Lavanyadali node lokamohakanayya
Ava dhairyadi node lokamohakanayya ||2||

Gaganadali sancharipa garudadevane turuga
Jagatidhara sesha pariyanka Sayana
Nigamagochara purandaravithalagallade
Migilada daivagaligi bhagyavunte ||3||

Listen to song by Shri Puttur Narasimha Nayak

ಹಣ್ಣು ಬಂದಿದೆ ಕೊಳ್ಳಿರಿ ನೀವೀಗ / Hannu bandide kolliri neeveega

ಹಣ್ಣು ಬಂದಿದೆ ಕೊಳ್ಳಿರಿ ನೀವೀಗ

ರಚನೆ : ಶ್ರೀ ಪುರಂದರ ದಾಸರು

ಹಣ್ಣು ಬಂದಿದೆ ಕೊಳ್ಳಿರಿ ನೀವೀಗ
ಚೆನ್ನಬಾಲಕೃಷ್ಣನೆಂಬೊ ಚೆನ್ನಾದ ಬಾಳೆಯಹಣ್ಣು ||ಪ||

ಹವ್ಯಕವ್ಯದ ಹಣ್ಣು ಸವಿವ ಸಕ್ಕರೆಹಣ್ಣು
ಭವರೋಗಗಳನೆಲ್ಲ ಕಳೆವ ಹಣ್ಣು
ನವನೀತ ಚೋರನೆಂಬ ಯಮನ ಅಂಜಿಪ ಹಣ್ಣು
ಅವನಿಯೊಳು ಶ್ರೀರಾಮನೆಂಬೊ ಹಣ್ಣು ||೧||

ಕೊಳೆತು ಹೋಗುವುದಲ್ಲ ಹುಳಿತು ಹೋಗುವುದಲ್ಲ
ಕಳೆದು ಬಿಸಾಡಿಸಿ ಕೊಳ್ಳುವುದಲ್ಲ
ಅಳೆದು ಕೊಂಬುವುದಲ್ಲ ಗಿಳಿ ಕಚ್ಚಿ ತಿಂಬೊದಲ್ಲ
ಒಳಿತಾದ ಹರಿಯೆಂಬೊ ಮಾವಿನಹಣ್ಣು ||೨||

ಕೆಟ್ಟು ನಾರುವುದಲ್ಲ ಬಿತ್ತಿ ಬೆಳೆಯೋದಲ್ಲ
ಕಷ್ಟದಿ ಹಣಕೊಟ್ಟು ಕೊಂಬುವುದಲ್ಲ
ಸೃಷ್ಟಿಯೊಳಗೆ ನಮ್ಮ ಪುರಂದರವಿಠಲ
ಕೃಷ್ಣರಾಯನೆಂಬೊ ಶ್ರೇಷ್ಠವಾದ ಹಣ್ಣು ||೩||

Hannu bandide kolliri neeveega

Author : Shri Purandara Dasaru

Hannu bandide kolliri neeveega
Chenna balakrishnanembo chennada baleyahannu ||pa||

Havyakavyada hannu saviva sakkarehannu
BhavarOgagaLanella kaLeva hannu
Navanita choranemba yamana anjipa hannu
Avaniyolu sriramanembo hannu ||1||

KoLetu hoguvudalla huLitu hoguvudalla
Kaledu bisadisi kolluvudalla
Aledu kombuvudalla gili kachchi timbodalla
Olitada hariyembo mavinahannu ||2||

Kettu naaruvudalla bitti beLeyodalla
Kashtadi haNakottu kombuvudalla
Srushtiyolage namma purandaravithala
Krishnarayanembo sreshthavada hannu ||3||

Listen to song by Shri  Vidyabhushana

ಹೇಳಿದರೆ ನಮ್ಮ ಮೇಲೆ ಯಾಕಮ್ಮ ಸಿಟ್ಟು / Helidare namma mEle yakamma sittu

ಹೇಳಿದರೆ ನಮ್ಮ ಮೇಲೆ ಯಾಕಮ್ಮ ಸಿಟ್ಟು

ರಚನೆ : ಶ್ರೀ ಪುರಂದರ ದಾಸರು

ಹೇಳಿದರೆ ನಮ್ಮ ಮೇಲೆ ಯಾಕಮ್ಮ ಸಿಟ್ಟು, ಇಂಥ
ಗಾಳಿಗಾರ ಮಗನ ಪಡೆದ ಮೇಲೆ ನೀವಿಷ್ಟು ||ಪ||

ಸಣ್ಣ ರುಮಾಲು ಕಟ್ಟಿ ಚುಂಗ ಬಿಟ್ಟು , ಪಣೆಗೆ
ಬಣ್ಣಿಸಿ ಕಸ್ತೂರಿ ತಿಲಕವನಿಟ್ಟು
ಚಿಣ್ಣಿಕೋಲು ಚೆಂಡು ಬುಗುರಿ ಕೈಯಲಿಟ್ಟು, ಪೊಸ
ಬೆಣ್ಣೆಯ ಮೆಲ್ಲು ಹೋಗೆಂದು ಕಳುಹಿಬಿಟ್ಟು ||

ಕರೆದು ಕೈಯಲ್ಲಿ ಚಿಟ್ಟೆಬೆಲ್ಲ ಕೊಟ್ಟು, ಚಿಕ್ಕ
ಹರಳುಕಲ್ಲುಗಳನ್ನೆ ಅರಿಸಿ ಕೊಟ್ಟು
ವಾರಿಗೆಯ ಪುಂಡರನ್ನು ಮಾಡಿಕೊಟ್ಟು, ಗೋಪಿ
ಊರನೆಲ್ಲ ಸುಲಿಯೆಂದು ಕಳುಹಿಕೊಟ್ಟು ||

ಹೋಗೆಂದು ರಂಗನ ಕಳುಹಿಕೊಟ್ಟು, ಗೋಪಿ
ಆಗ ಭೋಗಂಗಳೆಲ್ಲ ತುಂಬಿಕೊಟ್ಟು
ನಿಗಮಗೋಚರನೆಂಬ ಪೆಸರನಿಟ್ಟು, ಗೋಪಿ
ಪುರಂದರವಿಠಲನ್ನ ಬೆಳೆಸಿಬಿಟ್ಟು ||

Helidare namma mEle yakamma sittu 

Author : Shri Purandara Dasaru

Helidare namma mEle yakamma sittu intha

gaaLigaara magana padeda mele nivishtu ||pa.||

Sanna rumalu katti chunga bittu paNege
Bannisi kasturi tilakavannittu
ChinnikOlu chendu bugari kaiyalittu posa
Benneya mellu hogendu kaluhibittu ||1||

Karedu kaiyalli chitte bella kottu chikka
haraLu kallugalanne arisi kottu
Varigeya pundarannu madikottu gopi
Uranella suliyendu kaluhisikottu ||2||

Hogendu rangana kaluhikottu gopi
Aga bhogangaLella tumbikottu
Nigamagocharanemba pesaranittu gopi
Purandaravithalanna belesibittu ||3||

Listen to song by Shri SP Balasubramanyam

ಜೋ ಜೋ ಯಶೋದೆಯ ಕಂದ / Jo Jo Yashodeya Kanda

ಜೋ ಜೋ ಯಶೋದೆಯ 

ರಚನೆ : ಶ್ರೀ ಪುರಂದರ ದಾಸರು

ಜೋ ಜೋ ಯಶೋದೆಯ ಕಂದ ಮುಕುಂದನೆ

ಜೋ ಜೋ ಕಂಸಕುಠಾರಿ

ಜೋ ಜೋ ಮುನಿಗಳ ಹೃದಯಮಂದಿರ

ಜೋ ಜೋ ಲಕುಮಿಯ ರಮಣ ||ಪ||

ಹೊಕ್ಕಳಹೂವಿನ ತಾವರೆಗಣ್ಣಿನ , ಇಕ್ಕಿದ್ದ ಮಕರಕುಂಡಲದ

ಜಕ್ಕರಿಸುವ ಕದಪಿನ ಸುಳಿಗುರುಳಿನ , ಚಿಕ್ಕ ಬಾಯ ಮುದ್ದುಮೊಗದ

ಸೊಕ್ಕಿದ ಮದಕರಿಯಂದದಿ ನೊಸಲಲಿ ಇಕ್ಕಿದ ಕಸ್ತೂರಿತಿಲಕ

ರಕ್ಕಸರೆದೆದಲ್ಲಣ ಮುರವೈರಿಯೆ ಮಕ್ಕಳ ಮಾಣಿಕ ಜೋ ಜೋ ||೧||

ಕಣ್ಣು ಬೆಳಗು ಪಸರಿಸಿ ನೋಡುವ ಅರೆಗಣ್ಣ ಮುಚ್ಚಿ ನಸುನಗುತ

ಸಣ್ಣ ಬೆರಳು ಬಾಯೊಳು ಢವಳಿಸುತ ಪನ್ನಂಗಶಯನ ನಾಟಕದಿ

ನಿನ್ನ ಮಗನ ಮುದ್ದು ನೋಡೆನುತ ಗೋಪಿ ತನ್ನ ಪತಿಗೆ ತೋರಿದಳು

ಚಿನ್ನತನದ ಸೊಬಗಿನ ಖಣಿಯೇ ಹೊಸ ರನ್ನ ಮುತ್ತಿನ ಬೊಂಬೆ ಜೋ ಜೋ ||೨||

ನಿಡಿತೋಳ್ಗಳ ಪಸರಿಸುತಲಿ ಗೋಪಿಯ ತೊಡೆ ಮೇಲೆ ಮಲಗಿ ಬಾಯ ತೆರೆಯೆ

ಒಡಲೊಳು ಚತುರ್ದಶಭುವನವಿರಲು ಕಂಡು ನಡುನಡುಗಿ ಕಣ್ಣ ಮುಚ್ಚಿದಳು

ತಡೆಯದೆ ಅಡಿಗಳನಿಡುತಲಿ ಬಂದು ಮಡದೇರ ಮುಖವ ನೋಡುತ ನಿಂದು

ಕಡುದಯಾಸಾಗರ ಪುರಂದರವಿಟ್ಠಲ ಬಿಡದೆ ರಕ್ಶಿಸು ಎನ ಸಲಹಬೇಕೆಂದು ಜೋ ಜೋ ||೩||

Jo jo Yashodeya Kanda 

Author : Shri Purandara Dasaru

Jo jo yashodeya kanda mukundane 

jo jo kamsa kuthari

Jo munigala hrudayamandira 

jo jo lakumiya ramana ||pa||

Hokkala hoovina taavaregaNNina ikkidda makarakundalada

Jakkarisuva kadapina suligurulina cikka bayi muddu mogada

Sokkida madakariyamdadi nosalali ikkida kasturi tilaka

Rakkasarededallana muravairiye makkala manika jo jo || 1||

Kanna belagu pasarisi noduta areganna mucci nasunaguta

Sanna beralu bayolu dhavalisuta pannagasayana natakadi

Ninna magana muddu nodenuta gopi tanna patige toridalu

Cinnatanada sobagina kaniye hosa ranna muttina bombe jo jo ||2||

Niditolgala pasarisutali gopiya tode mel malagi baya tereye

Odalolu chaturdasa Buvanaviralu kandu nadunadugi kanna muccidalu

Tadeyade adigalanidutali bandu madadera mukava noduta nindu

Kadu dayasagara purandara vithala bidade rakshisu enna salahabekendu jo jo ||3||

Listen to song here

ಏನು ಮಾಡಲೊ ಮಗನೆ / Enu maadalo magane

ಏನು ಮಾಡಲೊ ಮಗನೆ

ರಚನೆ : ಶ್ರೀ ಪುರಂದರ ದಾಸರು

ಏನು ಮಾಡಲೊ ಮಗನೆ ಯಾಕೆ ಬೆಳಗಾಯಿತೊ 

ಏನು ಮಾಡಲೊ ಕೃಷ್ಣಯ್ಯ||ಪ
ಏನು ಮಾಡಲಿ ಇನ್ನು ಮಾನಿನಿಯರು ಎನ್ನ
ಮಾನವ ಕಳೆಯುವರೊ ರಂಗಯ್ಯ||ಅ ಪ||

ಹಾಲು ಮೊಸರು ಬೆಣ್ಣೆ ಕದ್ದನೆಂಬುವರೊ
ಮೇಲಿನ ಕೆನೆಗಳ ಮೆದ್ದನೆಂಬುವರೊ
ಬಾಲಕರೆಲ್ಲರ ಬಡಿದನೆಂಬರೊ ಎಂಥ
ಕಾಳ ಹೆಂಗಸು ಇವನ ಹಡೆದಳೆಂಬುವರೊ||೧||

ಕಟ್ಟೆದ್ದ ಕರುಗಳ ಬಿಟ್ಟನೆಂತೆಂಬರೊ
ಮೆಟ್ಟೆ ಸರ್ಪನ ಮೇಲೆ ಕುಣಿದನೆಂಬುವರೊ
ಪುಟ್ಟ ಬಾಲೆಯರ ಮೋಹಿಸಿದನೆಂಬರೊ ಎಂಥ
ದುಷ್ಟ ಹೆಂಗಸು ಇವನ ಹಡೆದಳೆಂಬುವರೊ||೨||

ಗಂಗಾಜನಕ ನಿನ್ನ ಜಾರನೆಂತೆಂಬರೊ
ಶೃಂಗಾರಮುಖ ನಿನ್ನ ಬರಿದೆ ದೂರುವರೊ
ಮಂಗಳಮಹಿಮ ಶೀಪುರಂದರವಿಟ್ಠಲ
ಹಿಂಗದೆ ಎಮ್ಮನು ಸಲಹೆಂತೆಂಬರೊ||೩||

Enu maadalo magane 

Author : Shri Purandara Dasaru

Enu maadalo magane yaake belagaayito

Enu maadalo krishnayya ||pa.||
Enu maadali innu maaniniyaru enna
Maanava kaLeyuvaro rangayya ||a.pa.||

Haalu mosaru benne kaddanembuvaro
MElina kenegala meddanembuvaro
Baalakarellara baDidanembaro entha
KaaLa hengasu ivana hadedalembuvaro ||1||

Kattidda karugala bittanentembaro
Metti sarpana mele kunidanembuvaro
Putta baaleyara mohisidanembaro entha
Dushta hengasu ivana hadedalembuvaro ||2||

Gangajanaka ninna jaranentembaro
Srungaramukha ninna baride dooruvaro
Mangalamahima sri purandaraviththala
Hingade emmanu salahentembaro ||3||

Listen to song in link  below

ಬಾರೋ ಬ್ರಹ್ಮಾದಿವಂದ್ಯಾ / Baaro brahmadivandya

ಬಾರೋ ಬ್ರಹ್ಮಾದಿವಂದ್ಯಾ

ರಚನೆ : ಶ್ರೀ ಪುರಂದರ ದಾಸರು

ಬಾರೋ ಬ್ರಹ್ಮಾದಿವಂದ್ಯಾ

ಬಾರೋ ವಸುದೇವ ಕಂದ||ಪ||

ಧಿಗಿಧಿಗಿ ನೀ ಕುಣಿದಾಡುತ ಬಾರೋ ದೀನರಕ್ಷಕನೇ
ಜಗದೀಶಾ ಕುಣಿದಾಡುತ ಬಾರೋ ಚೆನ್ನಕೇಶವನೇ||೧||

ಗೊಲ್ಲರ ಮನೆಗೆ ಪೋಗಲು ಬೇಡ ಗೋವಿಂದಾ ಕೇಳೋ
ಹಾಲು ಬೆಣ್ಣೆ ಮೊಸರಿಕ್ಕುವೆ ನೀನುಣ್ಣಬಾರೋ||೨||

ದೊಡ್ಡ ದೊಡ್ಡ ಮುತ್ತಿನ ಹಾರವ ಹಾಕಿ ನೋಡುವೆ ಬಾರೋ
ದೊಡ್ಡಪುರದ ದ್ವಾರಕಿವಾಸ ಪುರಂದರವಿಟ್ಠಲ||೩||

Baaro brahmadivandya

Author : Shri Purandara Dasaru

Baaro brahmadivandya
Baaro vasudeva kanda||Pa||

Dhigidhigi ni kunidaaDuta baaro deenarakshakane
Jagadeesha kuNidaduta baaro chennakesavane||1||

Gollara manege pOgalu beDa govinda keLo
Haalu beNNe mosarikkuve neenuNNabaro||2||

Dodda dodda muttina haarava haaki noduve baro
Doddapurada dvarakivasa purandaravitthala||3||

ಸಹಿಸಲಾರೆನೆ ಗೋಪಿ ನಿನ್ನ ಮಗನ / Sahisalaarene gopi ninna magana

ಸಹಿಸಲಾರೆನೆ ಗೋಪಿ ನಿನ್ನ ಮಗನ ಲೂಟಿ

ರಚನೆ : ಶ್ರೀ ಪುರಂದರ ದಾಸರು 

ಸಹಿಸಲಾರೆನೆ ಗೋಪಿ ನಿನ್ನ ಮಗನ ಲೂಟಿ,
ಏನೆಂದು ಪೇಳಮ್ಮ ||ಪ ||
ವಾಸುದೇವನು ಬಂದು ಮೋಸದಿಂದಲಿ ಎನ್ನ
ವಾಸವ ಸೆಳಕೊಂಡು ಓಡಿ ಪೋದನಮ್ಮ ||ಅ ||

ದೇವರ ಪೆಟ್ಟಿಗೆ ತೆಗೆದು ಸಾಲಿಗ್ರಾಮ
ಸಾವಿರ ನುಂಗುವನೆ
ಭಾವಜನಯ್ಯ ಇದೇನೆಂದರೆ ನಿಮ್ಮ
ಕಾವ ದೇವರು ನಾ ಕೇಳಿಕೋ ಎಂಬನೆ ||೧||

ಅಗ್ರೋದಕ ತಂದು ಜಗಲಿ ಮೇಲಿಟ್ಟರೆ
ವೆಗ್ಗಳದಲಿ ಕುಡಿವ
ಮಂಗಳಮಹಿಮನ ಮೀಸಲೆಂದರೆ ನಿಮ್ಮ
ಮಂಗಳಮಹಿಮನ ಅಪ್ಪ ನಾನೆಂಬನೆ ||೨||

ಅಟ್ಟಡುಗೆಯನೆಲ್ಲ ಉಚ್ಚಿಷ್ಟ ಮಾಡಿ
ಅಷ್ಟು ತಾ ಬಳಿದುಂಬನೆ
ಕೃಷ್ಣದೇವರ ನೈವೇದ್ಯವೆಂದರೆ ನಿಮ್ಮ
ಇಷ್ಟ ದೇವರು ತೃಪ್ತನಾದನೆಂತೆಂಬನೆ ||೩||

ಋತುವಾದ ಬಾಲೆಯರು ಪತಿಯೊಡೆಗೆ ಪೋಪಾಗ
ಪಥದೊಳಗಡಗಿರುವ
ಮತಿಗೆಟ್ಟ ಹೆಣ್ಣೆ ಸುಂಕವ ಕೊಡು ಎನುತಲಿ
ರತಿಯಿಂದ ಮಾನವ ಸೂರೆಗೊಂಬುವನೆ ||೪||

ಅಚ್ಚ ಪಾಲ್ಮೊಸರು ನವನೀತವು ಮಜ್ಜಿಗೆ
ರಚ್ಚೆ ಮಾಡಿ ಕುಡಿವ

ಸ್ವಚ್ಛ ಶ್ರೀಪುರಂದರವಿಟ್ಠಲರಾಯನ

ಇಚ್ಛೆಯಿಂದಲಿ ನಿನ್ನ ಮನೆಗೆ ಕರೆದು ಕೊಳ್ಳೆ ||೫||

Sahisalaarene gopi ninna magana

Author : Shri Purandara Dasaru

Sahisalaarene gOpi ninna magana looti

Enendu peLamma ||pa||
Vasudevanu bandu mosadindali enna
Vaasava seLakondu odi pOdanamma ||a ||

Devara pettige tegedu saligrama
Saavira nunguvane
Bhaavajanayya idEnendare nimma
Kaava devaru naa kELiko embane ||1||

Agrodaka tandu jagali melittare
Veggaladali kuDiva
MangaLamahimana meesalendare nimma
MangaLamahimana appa naanembane ||2||

AttaDugeyanella uchchishta maadi
Ashtu ta baLidumbane
Krishnadevara naivedyavendare nimma
Ishta devaru truptanaadanentembane ||3||

Rutuvada baaleyaru patiyoDege pOpaaga
Pathadolagadagiruva
Matigetta heNNe sunkava kodu enutali
Ratiyinda manava sooregombuvane ||4||

Achcha palmosaru navaneetavu majjige
Rachche maadi kudiva
Svachcha shripurandaravitthalarayana
Ichcheyindali ninna manege karedu kolle ||5||

ಕಂದನೇಕೆ ಮಲಗನೆ / Kandaneke Malagane

ಕಂದನೇಕೆ ಮಲಗನೆ

ರಚನೆ : ಶ್ರೀ ಪುರಂದರ ದಾಸರು

ಕಂದನೇಕೆ ಮಲಗನೆ , ಕೇಳೆಲೆ ಸಖಿ ||ಪ||
ಕಾಯಜಜನಕಗೇನಾಯಿತು ಇವಗೆ
ಯಾವಳ ದೃಷ್ಟಿ ತಾಗಿತೆ ||ಅ||

ಕಂದನೇಕೆ ಕಣ್ಣ ಮುಚ್ಚನೆ
ಇಂದು ನೀರದಡದಲ್ಲಿರುವನೆ , ಏ-
ನೆಂದರು ಮುಖವೆತ್ತಿ ನೋಡನೆ , ಗೋ-
ವಿಂದ ಬಾ ಎಂದರೆ ಬಾಯ ತೆರೆವನೆ ||೧||

ತನಯನಾಗಿ ಧರೆ ಅಳೆದನೆ , ತನ್ನ
ಜನನಿಯ ಕಂಡರೆ ಸೇರನೆ
ಮುನಿಗಳಂತೆ ಮೌನ ಪಿಡಿದನೆ
ಘನ ಗೋವು ಕಾಯ್ವಾಗ ಗಾಳಿ ಸೋಕಿತೇನೆ ||೨||

ಸುಮ್ಮನೇತಕೆ ವ್ರತ ಕೆಡಿಸಿದನೆ
ಹಮ್ಮಿನಿಂದಲಿ ಖಡ್ಗ ಪಿಡಿದನೆ
ಜನ್ಮಜನ್ಮಗಳಲ್ಲಿ ಬಿಡದಲಿರುವ ನೀ ಬಾರೊ
ಬೊಮ್ಮ ಶ್ರೀ ಪುರಂದರವಿಠಲ ||೩||

Kandaneke Malagane

Author : Shri Purandara Dasaru

KandanEke malagane , keLele sakhi ||pa||

Kayajajanakagenayitu ivage

YavaLa drushti tagite ||a||

KandanEke kaNNa muchchane

Indu neeradaDadalliruvane , E-

nendaru mukhavetti noDane , go-

vinda ba endare baaya terevane ||1||

Tanayanaagi dhare aLedane , tanna

Jananiya kandare sErane

MunigaLante mauna pididane

Ghana gOvu kayvaaga gaaLi sOkitEne ||2||

SummanEtake vrata kedisidane

Hamminindali khadga piDidane

JanmajanmagaLalli bidadaliruva ni baro

Bomma sri purandaravithala ||3||

ಗೋಕುಲದೊಳು ನಿನ್ನ ಮಗನ ಹಾವಳಿ / GokuladoLu ninna magana haavali

ಗೋಕುಲದೊಳು ನಿನ್ನ ಮಗನ ಹಾವಳಿ 

ರಚನೆ : ಶ್ರೀ ಪುರಂದರ ದಾಸರು 

ಗೋಕುಲದೊಳು ನಿನ್ನ ಮಗನ ಹಾವಳಿ ಘನವಾಯಿತಮ್ಮ
ಜೋಕೆ ಮಾಡಿಕೊ ಇಂಥ ದುರುಳತನಕೆ ನಾವು ನಿಲ್ಲೆವಮ್ಮ ||ಪ||

ಬಾಲರ ಒಡಗೂಡಿ ಬಂದೆಮ್ಮ ಮನೆಗಳ ಪೊಗುವನಮ್ಮ , ಒರಳ
ಮೇಲೇರಿ ನೆಲುವಿನ ಮೇಲಿದ್ದ ಬೆಣ್ಣೆಯ ಮೆಲುವನಮ್ಮ
ಜಾಲವ ಮಾಡಿ ಎಲ್ಲರಿಗಿಂದ ತಾ ಮುನ್ನೆ ಜಾರ್ವನಮ್ಮ, ಗೋ-
ಪಾಲ ಬೇಡೆಂದು ಹೇಳಿದರೆ ಇವಗೆ ಬುದ್ಧಿ ಸಾಲದಮ್ಮ ||೧||

ಗಂಡನುಳ್ಳವಳೆಂದು ಬೇಡಿಕೊಂಡರೆ ಮಾತ ಕೇಳನಮ್ಮ, ಈ
ಪುಂಡುಗಾರ ನಮ್ಮ ಪುರವನೆಲ್ಲ ಸೂರೆಗೊಂಡನಮ್ಮ
ಗಂಡರೆಲ್ಲರು ಇವನ ನೋಡಿ ತಮ್ಹೆಂಡಿರ ಬಿಡುವರಮ್ಮ, ಕಂಡ-
ಕಂಡ ವೇಳೆಯಲ್ಲಿ ಚಿಕ್ಕ ಚೆಲುವೆಯರ ಕೂಡ್ವನಮ್ಮ ||೨||

ಮಾರಲೀಸನು ಹಾಲು ಮೊಸರ ಕಂಡರೆ ಬಿಟ್ಟು ಬಾರನಮ್ಮ , ತನ್ನ
ವಾರಿಗೆ ಸತಿಯರ ಒಲಿಸಿಕೊಂಬ ಮಾಯಗಾರನಮ್ಮ
ನಾರಿ ಕೇಳಿವನ ನಡತೆ ಯಾರಿಗೂ ಸರಿ ಬಾರದಮ್ಮ, ನಮ್ಮ
ಮಾರಜನಕ ಪುರಂದರವಿಠಲರಾಯ ಜಾರನಮ್ಮ ||೩||

GokuladoLu ninna magana haavali 

Author : Shri Purandara Dasaru

GokuladoLu ninna magana haavali ghanavayitamma

jookay maadiko intha duruLatanake naavu nillevamma ||pa||

Baalara odagudi bandemma manegaLa poguvanamma , oraLa
MEleri neluvina melidda beNNeya meluvanamma
Jaalava maadi ellariginda taa munne jarvanamma, gO-
Pala bEdendu heLidare ivage buddhi saaladamma ||1||

GandanuLLavalendu bEdikondare maata kelanamma, I
Pundugaara namma puravanella sooregondanamma
Gandarellaru ivana nOdi tamhendira biduvaramma, kanda-
Kanda vEleyalli chikka cheluveyara kudvanamma ||2||

Maaraleesanu halu mosara kandare bittu baaranamma , tanna
Vaarige satiyara olisikomba mayagaranamma
Naari keLivana nadate yaarigu sari baradamma, namma
Marajanaka purandaravithalaraya jaranamma ||3||

ಸಿಕ್ಕಿದನೆಲೆ ಜಾಣೆ ಶ್ರೀ ವೇಣುಗೋಪಾಲ / Sikkidanele jaaNe shri vEnugOpala

ಸಿಕ್ಕಿದನೆಲೆ ಜಾಣೆ ಶ್ರೀ ವೇಣುಗೋಪಾಲ

ರಚನೆ : ಶ್ರೀ ಪುರಂದರ ದಾಸರು 

ಸಿಕ್ಕಿದನೆಲೆ ಜಾಣೆ ಶ್ರೀ ವೇಣುಗೋಪಾಲ
ಭಕ್ತವತ್ಸಲ ದೇವನು ||ಪ ||
ಮಕ್ಕಳ ಚಂಡಿಕೆ ಮರದ ಕೊನೆಗೆ ಕಟ್ಟಿ
ಘಕ್ಕನ ಚಪ್ಪಾಳೆಯಿಕ್ಕಿ ನಲಿವ ನಮ್ಮ ||ಅ ||

ಹೆಣ್ಣು ಮಕ್ಕಳು ಬಚ್ಚಲೊಳಗೆಣ್ಣೆ ಹಚ್ಚಿಕೊಂಡು
ಬಣ್ಣ ವಸ್ತ್ರವ ಬಿಚ್ಚಿ ಬತ್ತಲಿರೆ
ಕಣ್ಣಿಗೆ ಬಿಸಿನೀರು ಚೆಲ್ಲಿ ಸೀರೆಯನೊಯ್ದು
ಉನ್ನತವಾದ ವೃಕ್ಷವನೇರಿ ಇಹನಮ್ಮ ||

ಪಟ್ಟೆ ಮಂಚದ ಮೇಲೆ ಪತಿಯಂತೆ ಕುಳ್ಳಿರೆ
ಎಷ್ಟು ಸ್ವತಂತ್ರ ಇವಗೆ ಗೋಪಿ
ಉಟ್ಟ ಸೀರೆಯನೊಯ್ದು ಬಟ್ಟಕುಚವ ಪಿಡಿವ-
ನೆಷ್ಟೆಂದ ಹೇಳೆ ಭ್ರಷ್ಟ ಮಾಡಿದನಮ್ಮ ||

ಸಡಗರದಿ ಷೋಡಶ ಸಹಸ್ರ ಸ್ತ್ರೀಯರ
ಒಡಗೂಡಿ ಕೊಳಲನೂದುತ ಬಂದು
ಕಡೆವ ಗೋಪಿಯ ಜಡೆ ಪಿಡಿದೆಳೆವ ಎ-
ನ್ನೊಡೆಯ ಪುರಂದರವಿಠಲರಾಯನೆ ||

Sikkidanele jaaNe shri vEnugOpala

Author : Shri Purandara Dasaru

Sikkidanele jaaNe shri vEnugOpala

bhaktavatsala devanu ||pa ||
Makkala chandike marada konege katti
Ghakkana chappaleyikki naliva namma ||a ||

Hennu makkalu bachchaloLagenne hachchikondu
Banna vastrava bichchi bettalire
Kannige bisineeru chelli seereyanoydu
Unnatavaada vrukshavanEri ihanamma ||1||

Patte manchada mEle patiyante kullire
Eshtu svatantra ivage gOpi
Utta seereyanoydu battakuchava pidiva-
Neshtenda hELe brashta madidanamma ||2||

Sadagaradi shodasa sahasra streeyara
oDagoodi koLalanooduta bandu
Kadeva gOpiya jaDe pidideLeva e-
Nnodeya purandaravithalarayane ||3||

Listen to song in link below

ಬಾರಮ್ಮ, ಎಲೆ ಮುದ್ದು ಗೋಪ್ಯಮ್ಮ / Baaramma, ele muddu gopyamma

ಬಾರಮ್ಮ, ಎಲೆ ಮುದ್ದು ಗೋಪ್ಯಮ್ಮ 

ರಚನೆ : ಶ್ರೀ ಪುರಂದರ ದಾಸರು 

ಬಾರಮ್ಮ, ಎಲೆ ಮುದ್ದು ಗೋಪ್ಯಮ್ಮ ||ಪ||
ನಿಮ್ಮ , ಬಾಲಕೃಷ್ಣಯ್ಯಗೆ ಬುದ್ಧಿ ಹೇಳಮ್ಮ
ಬಾಲಕರನು ಬಡೆವನಮ್ಮ
ಮುದ್ದು, ನೀಲವರ್ಣಗೆ ಬುದ್ಧಿ ಹೇಳಮ್ಮ ||ಅ||

ಸಣ್ಣವನಾಗಿ ತೋರುವನಮ್ಮ, ಪಾಲ್-
ಬೆಣ್ಣೆ ಮೊಸರು ಕದಿವನಮ್ಮ
ಕಣ್ಣಾರೆ ಕಂಡವು ಮಗ ನಿಮ್ಮ , ಮುದ್ದು
ಚಿಣ್ಣಗೆ ಬುದ್ಧಿಯ ಪೇಳಮ್ಮ ||೧||

ಇಟ್ಟ ಕಸ್ತೂರಿ ನಾಮದವನಮ್ಮ, ಅವ
ಹೊಟ್ಟೆಯೊಳಿಡಬಲ್ಲನೀ ಜಗವನಮ್ಮ
ದುಷ್ಟ ಹಾವನು ತುಳಿದವನಮ್ಮ, ಗೋಪಿ
ಗಟ್ಟ್ಯಾಗಿ ಬುದ್ಧಿಯ ಪೇಳಮ್ಮ ||೨||

ಅರಳೆಲೆ ಮಾಗಾಯಿಯವನಮ್ಮ, ಹೊನ್ನ
ಬೆರಳ ರನ್ನದ ಮುದ್ರಿಕೆಯವನಮ್ಮ
ಇರುಳುಹಗಲು ನಮ್ಮ ಮರುಳು ಮಾಡಿ ಪೋದ
ತರಳಗೆ ಬುದ್ಧಿಯ ಪೇಳಮ್ಮ ||೩||

ಮಾಯಾರೂಪಿಲಿ ಬರುವನಮ್ಮ, ಕದ್ದು
ಆವಿನ ಮೊಲೆ ಉಂಬುವನಮ್ಮ
ಮಾವನ ಕೊಂದನಿವನಮ್ಮ, ಚೆಲ್ವ
ದೇವರ ದೇವಗೆ ಬುದ್ಧಿ ಪೇಳಮ್ಮ ||೪||

ಕಡಹದ ಮರನೇರಿದವನಮ್ಮ, ಬೆಟ್ಟ
ಕೊಡೆ ಮಾಡಿ ಹಿಡಿದು ಕಾಯ್ದವನಮ್ಮ
ಮಡದೇರಂದದಿ ರಮಿಸುವನಮ್ಮ, ಘುಡು
ಘುಡಿಸಿ ಕಂಬದಲೊಡೆವನಮ್ಮ ||೫||

ಒಮ್ಮೆಗೆ ಈವರಿಗೊಲಿದವನಮ್ಮ, ಚೆಲ್ವ
ಬ್ರಹ್ಮದೇವರ ಪಡೆದವನಮ್ಮ
ನಮ್ಮೆಲ್ಲರ ಪೊರೆವ ಪುರಂದರ-ವಿಠಲಗೆ
ಘಮ್ಮನೆ ಬುದ್ಧಿಯ ಪೇಳಮ್ಮ ||೬||

Baaramma, ele muddu gopyamma

Author : Shri Purandara Dasaru

Baaramma, ele muddu gopyamma ||pa||
Nimma , baalakrishnayyage buddhi heLamma
Baalakaranu badevanamma
Muddu, nilavarnage buddhi heLamma ||a||

Sannavanaagi toruvanamma, paal-
Benne mosaru kadivanamma
Kannaare kandavu maga nimma , muddu
Chinnage buddhiya pElamma||1||

Itta kasturi naamadavanamma, ava
HotteyoLidaballanee jagavanamma
Dushta haavanu tulidavanamma, gopi

Gattyagi buddhiya pElamma||2||

Aralele maagayiyavanamma, honna
BeraLa rannada mudrikeyavanamma
IruLu hagalu namma marulu madi pOda
TaraLage buddhiya pElamma ||3||

Maayarupili baruvanamma, kaddu
Avina mole umbuvanamma
Maavana kondanivanamma, chelva
Devara devage buddhi pElamma||4||

KaDahada maraneridavanamma, betta
Kode maadi hiDidu kaaydavanamma
MadadErandadi ramisuvanamma, ghudu
Ghudisi kambadalodevanamma ||5||

Ommege eevarigolidavanamma, chelva
Brahmadevara padedavanamma
Nammellara poreva purandara-vithalage
Ghammane buddhiya pElamma||6||

ನೋಡು ನೋಡು ನೋಡು ಕೃಷ್ಣ / Nodu nodu nodu krishna

ನೋಡು ನೋಡು ನೋಡು ಕೃಷ್ಣ

ರಚನೆ : ಶ್ರೀ ಪುರಂದರ ದಾಸರು 

ನೋಡು ನೋಡು ನೋಡು ಕೃಷ್ಣ ಹೇಗೆ ಮಾಡುತಾನೆ
ಬೇಡಿಕೊಂಡರೆ ಬಾರ ಕೃಷ್ಣ, ಓಡಿ ಹೋಗುತಾನೆ ||ಪ||

ಕಂಡಕಂಡವರ ಮೇಲೆ ಕಣ್ಣ ಹಾಕುತಾನೆ
ಉಂಡು ಉಂಡು ಮುಸುಕನಿಟ್ಟು ಮಲಗಿಕೊಳ್ಳುತಾನೆ
ಲಂಡತನವ ಮಾಡಿ ಮಾಡಿ ಮಣ್ಣ ಗೋರುತಾನೆ
ಭಂಡು ಮಾಡಿ ಬಾಗಿಲೊಳಗೆ ಚೀರಿಕೊಳ್ಳುತಾನೆ ||೧||

ಕರುಣವಿಲ್ಲದಲೆ ಬಂದು ಕಾಲಲೊದೆಯುತಾನೆ
ಶರಣು ಹೊಕ್ಕರೆಯು ತಾನೆ ಕೊಡಲಿ ಮಸೆಯುತಾನೆ
ಹರಿಯುವ ವಾನರರ ಕೂಡ ಹಾರಾಡುತಾನೆ
ಸಿರಿಕೃಷ್ಣ ಹಾಲು-ತುಪ್ಪ ಸೂರೆಮಾಡುತಾನೆ ||೨||

ಬಾಲೆಯರಿಗೆ ವರವನಿತ್ತು ಪುರವ ಕೆಡಿಸುತಾನೆ
ನೀಲಗುದುರೆಯನೇರಿ ಹಾರಿಸಾಡುತಾನೆ
ಬಾಲಕರ ಕೂಡಿಕೊಂದು ಕುಣಿದಾಡುತಾನೆ
ಲೋಲಪುರಂದರವಿಠಲ ತಾನು ಕುಣಿಯುತಾನೆ||೩||

Nodu nodu nodu krishna

Author : Shri Purandara Dasaru

Nodu nodu nodu krishna hEge maadutane |
Bedikondare baala krishna Odi hogutaane ||pa||

Kanda kandavara mEle kannu haakutaane |
Undu undu musukanittu malagikoLLutaane ||
Landatanava maadi maadi maNNa gorutaane |
Bhandu maadi baagiloLage cheerikollutaane ||1||

Karunavilladale bandu kaalalodeyutaane |
Sharanu hokkareyu taanu kodali maseyutaane ||
Hariyuva vaanarara kooda haraDutaane |
Sirikrishna haalu tuppa sooremaadutaane ||2||

BaLeyarige varavanittu purava kedisutaane |
Neelagudureyaneri harisaadutaane ||
Baalakara koodikondu kunidaadutaane |
Lolapurandara vithala taanu kuniyutane ||3||

Listen to song here

ಬೂಚಿ ಬಂದಿದೆ / Boochi bandide

ಬೂಚಿ ಬಂದಿದೆ

ರಚನೆ : ಶ್ರೀ ಪುರಂದರ ದಾಸರು 

ಬೂಚಿ ಬಂದಿದೆ, ರಂಗ ಬೂಚಿ ಬಂದಿದೆ ||ಪ||
ಚಾಚಿ ಕುಡಿದು ಸುಮ್ಮನೆ ನೀ ಪಾಚಿಕೊಳ್ಳೊ ಕೃಷ್ಣಯ್ಯ ||ಅ||

ನಾಲ್ಕು ಮುಖದ ಬೂಚಿಯೊಂದು
ಗೋಕುಲಕ್ಕೆ ಓಡಿ ಬಂದು
ಲೋಕರನ್ನು ಎಳೆದುಕೊಂಡು
ಕಾಕು ಮಾಡಿ ಒಯ್ಯುವುದಕೆ ||೧||

ಮೂರು ಕಣ್ಣಿನ ಬೂಚಿಯೊಂದು
ಊರೂರ ಸುತ್ತಿ ಬಂದು
ದ್ವಾರದಲ್ಲಿ ನಿಂತಿದೆ ನೋಡೊ
ಪೋರರನ್ನು ಒಯ್ಯುವುದಕೆ ||೨||

ಅಂಗವೆಲ್ಲ ಕಂಗಳುಳ್ಳ
ಶೃಂಗಾರ ಮುಖದ ಬೂಚಿ
ಬಂಗಾರದಂಥ ಮಕ್ಕಳನೆಲ್ಲ
ಕಂಗೆಡಿಸಿ ಒಯ್ಯುವುದಕೆ ||೩||

ಆರು ಮುಖದ ಬೂಚಿಯೊಂದು
ಈರಾರು ಕಂಗಳದಕೆ
ವಾರು ವಾರು ಅಳುವ ಮಕ್ಕಳ
ದೂರ ಸೆಳೆದು ಒಯ್ಯುವುದಕೆ ||೪||

ಮರದ ಮೇಲೆ ಇರುವುದೊಂದು
ಕರಾಳ ಮುಖದ ಬೂಚಿ
ತರಳರನ್ನು ಎಳೆದುಕೊಂಡು
ಪುರಂದರವಿಠಲಗೊಪ್ಪಿಸಲಿಕೆ ||೫||

Boochi bandide

Author : Shri Purandara Dasaru

Boochi bandide, ranga Boochi bandide ||pa||
Chaachi kudidu summane ni pachikollo krishnayya ||a||

Nalku mukhada boochiyondu
Gokulakke odi bandu
Lokarannu eLedukondu
Kaaku maadi oyyuvudake ||1||

Mooru kannina boochiyondu
Oorura sutti bandu
Dvaradalli nintide nodo
POrarannu oyyuvudake ||2||

Angavella kangalulla
Shrungara mukhada boochi
Bangaradantha makkalanella
Kangedisi oyyuvudake ||3||

Aru mukhada boochiyondu
Eeraaru kangaLadake
Vaaru vaaru aLuva makkaLa
Doora seLedu oyyuvudake ||4||

Marada mele iruvudondu
Karaala mukhada boochi
TaraLarannu eledukondu
Purandara vithala goppisalike ||5||

Listen to song by Shri Vidyabhushana

ಬೇಗ ಬಾರೋ ಬೇಗ ಬಾರೋ ನೀಲಮೇಘ ವರ್ಣ / Bega BaarO bega baarO neelaamEgha varNA

ಬೇಗ ಬಾರೋ ಬೇಗ ಬಾರೋ ನೀಲಮೇಘ ವರ್ಣ

ರಾಗ: ಮಾಂಡ್
ತಾಳ: ಏಕತಾಳ

ರಚನೆ: ಶ್ರೀ ಗುರು ವಾದಿರಾಜರು

ಬೇಗ ಬಾರೋ ಬೇಗ ಬಾರೋ ನೀಲಮೇಘ ವರ್ಣ 
ಬೇಗ ಬಾರೋ ಬೇಗ ಬಾರೋ ವೇಲಾಪುರದ ಚೆನ್ನ || ಪ |

ಇಂದಿರಾ ರಮಣ ಗೋವಿಂದ ಬೇಗ ಬಾರೋ 
ನಂದನ ಕಂದ ಮುಕುಂದ ಬೇಗ ಬಾರೋ || ೧ ||

ಧೀರ ಉದ್ಧಾರಾ ಗಂಭೀರ ಬೇಗ ಬಾರೋ 
ಹಾರಾ ಅಲಂಕಾರ ರಘುವೀರ ಬೇಗ ಬಾರೋ || ೨ ||

ರಂಗ ಉತ್ತುಂಗ ನರಸಿಂಗ ಬೇಗ ಬಾರೋ 
ಗಂಗೆಯ ಪಡೆದ ಪಾಂಡುರಂಗ ಬೇಗ ಬಾರೋ || ೩||

ಸಿಧ್ಧ ಸಮೃಧ್ಧ ಅನಿರುಧ್ಧ ಬೇಗ ಬಾರೋ
ಹದ್ದನೇರಿದ ಪ್ರಸಿಧ್ಧ ಬೇಗ ಬಾರೋ || ೪ ||

ಅಯ್ಯಾ ವಿಜಯ ಸಹಾಯ ಬೇಗ ಬಾರೋ 
ಉರಗಾದ್ರಿವಾಸ ಹಯವದನ ಬೇಗ ಬಾರೋ || ೫ ||

Bega BaarO bega baarO neelaamEgha varNA 

Author : Shri Guru Vadirajaru

bEga bArO bEga bArO neelaamEgha varNA 

bEga bArO bEga bArO vElApurada chenna ||pa||

indirA ramaNa gOvinda bEga bArO 

nandana kandA mukunda bEga bArO ||1||

dhIrI udArA gambhIrA bAga bArO

hArA alankAra raghuvIrA bEga bArO ||2||

ranga uttunga nrasinga bEga bArO

gangeya paDeda pANDuranga bEga bArO ||3||

siddhA samruddhA aniruddhA bEga bArO 

haddanEridda prasiddhA bEga bArO ||4||

hayyA vijaya sahAya bEga bArO 

uragAdrivAsa hayavadana bEga bArO ||5||

Listen to song by Shri Vidyabhushana

Listen to song by Sheela Nayak

Listen to another version here

ಬಾರೋ ನಮ್ಮ ಮನೆಗೆ ಗೋಪಾಲಕೃಷ್ಣ/ BaarO Namma Manege GopaalakriShNa

ಬಾರೋ ನಮ್ಮ ಮನೆಗೆ ಗೋಪಾಲಕೃಷ್ಣ

ರಚನೆ : ಶ್ರೀಪಾದರಾಜರು 

ಬಾರೋ ನಮ್ಮ ಮನೆಗೆ ಗೋಪಾಲಕೃಷ್ಣ||ಪ||

ಗೊಲ್ಲ ಬಾಲಕರನು ನಿಲ್ಲಿಸಿ ಹೆಗಲೇರಿ
ಗುಲ್ಲು ಮಾಡದೆ ಮೊಸರೆಲ್ಲ ಸವಿದ ಕೃಷ್ಣ||೧||

ಕಸ್ತೂರಿ ತಿಲಕವ ಶಿಸ್ತಾಗಿ ಹಣೆಯಲಿಟ್ಟು
ಮಸ್ತಾಗಿ ಕುಣಿವ ಪರವಸ್ತು ಕಾಣೇನೆಂದು ಕೃಷ್ಣ ||೨||

ಮುಜ್ಜಗವನೆಲ್ಲ ಬೊಜ್ಜೆಯೊಳಗೆಯಿಟ್ಟು
ಗೆಜ್ಜೆಯ ಕಟ್ಟಿ ತಪ್ಪು ಹೆಜ್ಜೆಯನಿಕ್ಕುತ ಕೃಷ್ಣ||೩||

ನಾರಿಯರು ಬಿಚ್ಚಿಟ್ಟ ಸೀರೆಗಳನೊಯ್ದು
ಮೇರೆಯಿಲ್ಲದೆ ಕೈಯ ತೋರೆಂದ ಶ್ರೀ ಕೃಷ್ಣ||೪||

ಅಂಗನೆಯರ ವ್ರತ ಭಂಗವ ಮಾಡಿದ
ರಂಗ ವಿಟ್ಠಲ ಭವಭಂಗ ಪರಿಹರಿಸೋ ಕೃಷ್ಣ ||೫||

Baaro namma manage gopala krishna

Author : Shreepadarajaru

Baaro namma manage gopala krishna||

golla balakaranu nillisi pegaleri
gullu madadhe mosarella kudidha krishna||1||

kasturi tilakava shistaagi haNeyalittu
mastaagi kuniva paravastu kaaNenendu ||2||

murjaga vanella bujjeyolage ittu
gejjeya katti tappu hejjeyanikkuta Krishna ||3||

nariru bichitta siregalanne vaidu
myare illade karatorenda krishna ||4||

anganeyara vrata bangava madidha
ranga vittala bava bangava maadutha||5||

Listen to song by Shri Vidyabhushana

ಬಂದನೇನೆ ರಂಗ ಬಂದನೇನೆ / bandanEne ranga bandanEne

ಬಂದನೇನೆ ರಂಗ ಬಂದನೇನೆ 

ರಚನೆ : ಶ್ರೀ ಪುರಂದರ ದಾಸರು 

ಬಂದನೇನೆ ರಂಗ ಬಂದನೇನೆ ಎನ್ನ || ಪ ||
ತಂದೆ ಬಾಲಕೃಷ್ಣ ನವನೀತ ಚೋರ || ಅ. ಪ. ||

ಘಲು ಘಲು ಘಲುರೆಂಬ ಪೊನ್ನಂದುಗೆ ಗೆಜ್ಜೆ
ಹೊಳೆ ಹೊಳೆಯುವ ಪಾದವನೂರುತ
ನಲಿ ನಲಿದಾಡುವ ಉಂಗುರ ಅರಳೆಲೆ 
ಥಳ ಥಳ ಹೊಳೆಯುತ ಶ್ರೀಕೃಷ್ಣ || 1 ||

ಕಿಣಿಕಿಣಿ ಕಿಣಿರೆಂಬ ಕರದ ಕಂಕಣ ಬಳೆ 
ಝುಣ ಝುಣ ಝುಣುರೆಂಬ ನಡುವಿನ ಗಂಟೆ 
ಧನ ಧನ ಧನರೆಂಬ ಪಾದದ ತೊಡವಿನ 
ಮಿಣ ಮಿಣ ಕುಣಿದಾಡುತ ಶ್ರೀಕೃಷ್ಣ || 2 ||

ಹಿಡಿ ಹಿಡಿ ಹಿಡಿಯೆಂದು ಪುರಂದರವಿಠ್ಠಲನ 
ದುಡು ದುಡು ದುಡು ದುಡನೇ ಓಡುತ 
ನಡೆ ನಡೆ ನಡೆಯೆಂದು ಮೆಲ್ಲನೆ ಪಿಡಿಯಲು 
ಬಿಡಿ ಬಿಡಿ ದಮ್ಮಯ್ಯ ಎನ್ನುತ || 3 ||

Bandanene Ranga BandanEne

Author : Shree Purandara Dasaru

bandanEne ranga bandanEne enna ||p||

tande bAlakrishNa navanIta cOra ||a||

ghalu ghalu ghaluremba ponnandige gejje
hoLe hoLe hoLe yuva pAdavanUruta
nali nali nalidADuta ungura araLele
thaLa thaLa thaLa hoLeyuta shri krishNa ||1||

kiNi kiNi kiNI remba karada kankaNa
jhaNa jhaNa jhaNa remba naDuvina ghaNTe
dhaNa dhaNa dhaNa remba pAdada toDavina
miNa miNa miNa kuNidADuta shri krishNa ||2||

hiDi hiDi hiDi yendu purandara viTalana
duDu duDu duDu duDane ODuta
naDi naDi naDI yendu pellane piDiyalu
biDi biDi biDi dammayya ennuta shri krishNa ||3||

Listen to song by Raichur Seshagiridas

Listen to song by Shri Kurudi Venkannachar

ಕರುಣಿಸೋ ರಂಗಾ ಕರುಣಿಸೋ / KaruNisO Ranga KaruNisO

ಕರುಣಿಸೋ ರಂಗಾ ಕರುಣಿಸೋ

ರಚನೆ : ಶ್ರೀ ಪುರಂದರ ದಾಸರು 

ಕರುಣಿಸೋ ರಂಗಾ ಕರುಣಿಸೋ || ಪ ||
ಹಗಲು ಇರುಳು ನಿನ್ನ ಸ್ಮರಣೆ ಮರೆಯದಂತೆ || ಅ. ಪ. ||

ರುಕುಮಾಂಗದನಂತೆ ವೃತವ ನಾನರಿಯೆನೋ |
ಶುಕ ಮುನಿಯಂತೆ ಸ್ತುತಿಸಲು ಅರಿಯೆ |
ಬಕವೈರಿಯಂತೆ ಧ್ಯಾನವ ಮಾಡಲರಿಯೆ |
ದೇವಕಿಯಂತೆ ಮುದ್ದಿಸಲರಿಯೆನೊ || ೧ ||

ಗರುಡನಂದದಿ ಪೊತ್ತು ತಿರುಗಲು ಅರಿಯೆ |
ಕರೆಯಲು ಅರಿಯೆ ಕರಿ ರಾಜನಂತೆ |
ವರ ಕಪಿಯಂತೆ ದಾಸ್ಯವ ಮಾಡಲರಿಯೇ |
ಸಿರಿಯಂತೆ ಕರೆದು ಮೋಹಿಸಲರಿಯೆನೊ || ೨ ||

ಬಲಿಯಂತೆ ದಾನವ ಮಾಡಲು ಅರಿಯೆ |
ಭಕ್ತಿ ಛಲವನು ಅರಿಯೆ ಪ್ರಲ್ಹಾದನಂತೆ |
ಒಲಿಸಲು ಅರಿಯೆ ಅರ್ಜುನನಂತೆ ಸಖನಾಗಿ |
ಸಲಹೋ ದೇವರ ದೇವಾ ಪುರಂದರವಿಠ್ಠಲ || ೩ ||

KaruNisO Ranga KaruNisO

Author :Shri Purandara Dasaru

karuNisO rangaa karuNisO || pa ||
hagalu iruLu ninna smaraNe mareyadante || a. pa.||

rukumaangadanante vrutava naanariyenO |
shuka muniyante stutisalu ariye |
bakavairiyante dhyaanava maaDalariye |
dEvakiyante muddisalariyeno || 1 ||

garuDanandadi pottu tirugalu ariye |
kareyalu ariye kari raajanante |
vara kapiyante daasyava maaDalariyE |
siriyante karedu mOhisalariyeno || 2 ||

baliyante daanava maaDalu ariye |
bhakti chalavanu ariye pralhaadanante |
olisalu ariye arjunanante sakhanaagi |
salahO dEvara dEvaa purandaraviThThala || 3 ||

Listen to song by Shri Bhimsen Joshi

Listen to song by Shri Nandini Rao Gujar

Listen to song by Shri Ustaad Fayaz Khan

ಬಂದ ಕೃಷ್ಣ ಚೆಂದದಿಂದ / Banda Krishna chendadinda

ಬಂದ ಕೃಷ್ಣ ಚೆಂದದಿಂದ ಬಂದ ನೋಡೆ ಗೋಪ 

ರಚನೆ : ಶ್ರೀ ವ್ಯಾಸತತ್ವಜ್ಞ ತೀರ್ಥರು

ಬಂದ ಕೃಷ್ಣ ಚೆಂದದಿಂದ ಬಂದ ನೋಡೆ ಗೋಪ |
ವೃಂದದಿಂದ ನಂದ ಸುತಾ ಬಂದ ನೋಡೆ || ಪ ||

ಗೋವ ಮೇವ ನೀವ ದೇವ | ಬಂದ ನೋಡೇ |
ಸ್ವಾಮಿ ದೇವತಾ ವಾದ್ಯಗಳಿಂದ ಬಂದ ನೋಡೆ || ೧ ||

ಪಾಪ ಪೋಪ ಗೋಪ ರೂಪ ಬಂದ ನೋಡೆ |
ಸ್ವಾಮಿ ತಾಪ ಲೋಪ ಲೇಪ ಲೋಪಾ ಬಂದ ನೋಡೆ || ೨ ||

ಭೂಸುರ ಸುಖ ಸೂಸುತ ತಾ ಬಂದ ನೋಡೆ |
ಸ್ವಾಮಿ ವಾಸುದೇವವಿಠ್ಠಲ ತಾ ಬಂದ ನೋಡೆ || ೩ ||

Banda Krishna Chendadinda Banda NoDa Gopa

Author : Sri Vyasatatvagna Theertharu

banda Krishna chendadinda banda noDa gopa |
vRundadinda nanda sutaa banda noDa || pa ||

gova mEva neeva dEva banda noDa |
swaami dEvataa vaadyagaLinda banda noDa || 1 ||

paapa popa gopa roopa banda noDa |
swaami taapa lopa lEpa lopaa banda noDa || 2 ||

bhoosura sukha soosuta taa banda noDa |
swaami vaasudEvaviThThala taa banda nODa || 3 ||

ಬಾರೋ ಬಾರೋ ಪಾಂಡುರಂಗ / baaro baaro paanDuranga

ಬಾರೋ ಬಾರೋ ಪಾಂಡುರಂಗ 

ರಚನೆ : ಶ್ರೀ ನರಸಿಂಹದಾಸರು

ಬಾರೋ ಬಾರೋ ಪಾಂಡುರಂಗ ನೀನೇ ಗತಿ |

ತೋರೋ ತೋರೋ ನಿನ್ನ ಮೊಗವ ರುಕ್ಮಿಣಿ ಪತಿ || ಪ ||

ಚಂದ್ರಭಾಗಾ ತೀರದಲ್ಲಿ ವಾಸವಾಗಿರುವಿ |
ಮಂದರಗಿರಿಧರ ಸಿಂಧುಶಯನ ಅಂದವಾಗಿರುವಿ || ೧ ||

ಶಂಖ ಚಕ್ರ ಗಧಾ ಪದ್ಮ ಎಲ್ಲಿ ಇಟ್ಟಿರುವಿ |
ಟೊಂಕದ ಮೇಲೆ ಕೈಯನಿಟ್ಟು ಏಕೆ ನಿಂತಿರುವಿ || ೨ ||

ಭಕ್ತರನ್ನೆಲ್ಲ ಉದ್ಧರಿಸುವೆ ನೀನೇ ದೊರೆ |
ಭಕ್ತವತ್ಸಲ ನಾರಸಿಂಹ ವಿಠಲ ಹರೇ || ೩ ||

Baaro Baaro Paanduranga

rachane : shree narasiMhadaasaru

baarO baarO paanDuranga neenE gati |

tOrO tOrO ninna mogava rukmiNi pati || pa ||

chandrabhaagaa teeradalli vaasavaagiruvi |
mandaragiridhara sindhushayana andavaagiruvi ||1 ||

shankha chakra gadhaa padma elli iTTiruvi |
Tonkada mEle kaiyaniTTu Eke nintiruvi || 2 ||

bhaktarannella uddharisuve neenE dore |
bhaktavatsala naarasimha viThala harE || 3 ||

Listen to song by Shree Vidyabhushana

Listen to song by Padmashree Srirangam

Listen to song by Shree Mysore Ramachandrachar