ಯಾಕೆ ಮೂಕನಾದ್ಯೋ
ಕ್ರುತಿ : ಜಗನ್ನಾಥ ದಾಸರು
ಯಾಕೆ ಮೂಕನಾದ್ಯೋ ಗುರುವೆ ನೀ ಯಾಕೆ ಮೂಕನಾದ್ಯೋ ।
ಯಾಕೆ ಮೂಕನಾದೆ ಲೋಕಪಾಲಕ ಎನ್ನ ।
ಸಾಕುವರ್ಯಾರಯ್ಯ ಶ್ರೀಕರ ರಾಘವೇಂದ್ರ ॥
ಹಿಂದಕ್ಕೆ ನೀ ಎನ್ನ ಮುಂದೆ ಸುಳಿದಾಡಿದಿ ।
ಮಂದಿಯೊಳಗೆ ಎನ್ನ ಮಂದನ್ನ ಮಾಡಿದ್ಯಲ್ಲೋ ॥ ೧ ॥
ಬೇಕಾಗದಿದ್ದರಿನ್ಯಾಕೆ ಕೈಯನು ಪಿಡಿದೆ ।
ಕಾಕುಜನರೊಳೆನ್ನ ನೂಕಿಬಿಟ್ಟು ನೀನು (/ನೀ) ॥ ೨ ॥
ಈಗ ಪಾಲಿಸದಿರೆ ಯೋಗಿಕುಲವರ್ಯ ।
ರಾಘವೇಂದ್ರನೆ ಭವ ಸಾಗುವದ್ಹ್ಯಾಂಗಯ್ಯ ॥ ೩ ॥
ನಿನ್ನಂಥ ಕರುಣಿಯಿಲ್ಲ ಎನ್ನಂಥ ಕೃಪಣಿಯಿಲ್ಲ ।
ಘನ್ನಮಹಿಮ ನೀ ಎನ್ನನು ಬಿಟ್ಟೀಗ ॥ ೪ ॥
ಜನನಿಯು ನೀ ಎನ್ನ ಜನಕನಯ್ಯ ।
ಮನ್ನಿಸೊ ನೀ ನಿತ್ಯಾನನ್ಯ ಶರಣನೆ (/ಶರಣ್ಯ) ॥ ೫ ॥
ಎಂದಿಗಾದರು ನಿನ್ನ ಪೊಂದಿಕೊಂಡವನಲ್ಲೋ ।
ಇಂದು ನೀ ಕೈಬಿಟ್ಟರೆನ್ನ ಮುಂದೆ ಕಾಯುವರ್ಯಾರೋ ॥ ೬ ॥
ನಾಥನು ನೀ ಅನಾಥನು ನಾನಯ್ಯ ।
ಪಾತಕರರಿ ಜಗನ್ನಾಥವಿಠ್ಠಲದೂತ (/ಜಗನ್ನಾಥವಿಠ್ಠಲದಾಸ) ॥ ೭
---------------------------------------------------------------------------------------------------------
Yaake Mookanaadyo
Author : Jagannatha Dasaru
yAkE mUkanAdyO. rAgA: ahIrbhairav/jOnpuri. Adi tALA.
yAkE mUkanAdyO guruvE nI yAkE mUkanAdyO ॥pa॥
yAkE mUkanAdi lOka pAlaka enna sAkuvarArayya shrIkara rAghavEndra ॥a pa॥
hindakka nIyenna mundE suLidADidi
mandi oLage enna mandana mADidi Iga ॥1॥
bEkagadiddare inyAka kaiyanu piDide
sAku janaroLenna nUkibiTTu nInu ॥2॥
Iga pAlisidarE yOgi kulavaryA
rAghavEndrane bhava sAguva dhyAngayya ॥3॥
ninnantha karuNilla ennantha krpaNillA
ghanna mahimanu nI ennanu biTTIga ॥4॥
jananiyu nI enagE enna janakanayyA
mannisO nI nitya nanna sharaNanayyA ॥5॥
endigAdaru ninna hondikoNDavanallO
indu nI biTTarenna munde kayuvadArO ॥6॥
nAthanu nI anAthanu nAnayya
pAtaka hari (su?) nI jagannAtha viThala dAsa ॥7॥
