ದಾಸನ ಮಾಡಿಕೊ ಎನ್ನ / Daasana Maadiko Enna

ದಾಸನ ಮಾಡಿಕೊ ಎನ್ನ

ರಚನೆ : ಪುರಂದರ ದಾಸರು

ದಾಸನ ಮಾಡಿಕೊ ಎನ್ನ ಸ್ವಾಮಿ
ಸಾಸಿರ ನಾಮದ ವೆಂಕಟರಮಣ

ದುರ್ಬುದ್ಧಿಗಳನೆಲ್ಲ ಬಿಡಿಸೊ ನಿನ್ನ
ಕರುಣ-ಕವಚವೆನ್ನ ಹರಣಕೆ ತೊಡಿಸೊ
ಚರಣಸೇವೆ ಎನಗೆ ಕೊಡಿಸೊ ಅಭಯ
ಕರ ಪುಷ್ಪವ ಎನ್ನ ಶಿರದಲ್ಲಿ ಮುಡಿಸೊ ||೧||

ದೃಢಭಕ್ತಿ ನಿನ್ನಲ್ಲಿ ಬೇಡಿ ನಾ
ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ ||೨||

ಮೊರೆಹೊಕ್ಕವರ ಕಾಯುವ ಬಿರುದು ಎನ್ನ
ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತಗಳೆಲ್ಲವ ತರಿದು ಸಿರಿ
ಪುರಂದರ ವಿಠಲ ಎನ್ನನು ಪೊರೆದು ||೩||

Daasana Maadiko Enna

Author : Purandara Dasa

dAsana mADiko enna swAmi
sAsira nAmada venkaTa-ramaNa

durbudhdhigaLa nella biDiso ninna
karuNa-kavachvenna haranake thoDiso
charanasEve enage koDiso abhaya
kara-pushpa yennaya shiradalli muDiso

dRDhabhakthi ninnalli beDi deva
aDigeraguvenayya anudina pADi
kaDegaNNalekenna noaDi bidade
koDu ninna dhyaanava manashuchi maaDi

morehokka vara kAva birudu nee
mareyade rakshaNe mADayya poredu
duritha rasigallela tharidu swami
purandhara viThalana karunadi poredu