ಆವ ರೋಗವೊ ಎನಗೆ ದೇವಧನ್ವಂತ್ರಿ / Aava Rogavu Enage Deva Dhanvanthri

ಆವ ರೋಗವೊ ಎನಗೆ ದೇವಧನ್ವಂತ್ರಿ

ಕಲಿ ಯುಗ ಕಳೆದಂತೆಲ್ಲ ಭೂಮಿಯ ಮೇಲೆ ಪಾಪ , ದುಷ್ಕೃತ್ಯ , ರೋಗ ರಿಜುನಗಳು ಹರಡುತ್ತವೆ. ನಾವಿರುವ ಈಗಿನ ಕಾಲದಲ್ಲೂ ಕೊರೊನ , ಎಬೋಲಾ ದಂತಹ ರೋಗ ಮಾರಿಗಳು ಮನುಶ್ಯರಿಗೆ ಬಾಧಿಸುತ್ತಿವೆ. ಬೇರೆಲ್ಲವ ಮರೆತು ಹರಿಯ ನಾಮ ಸ್ಮರಣೆ ಮಾಡೋಣ - ಹರಿಯ ಕೃಪೆಗೆ ಪಾತ್ರರಾಗೋಣ. ಈ ಪರಿಗೆ ನಮ್ಮನ್ನು ಪ್ರೇರೇಪಿಸುವ ಈ ರಚನೆ ಗೋಪಾಲ ದಾಸರದು. 

ರಚನೆ : ಶ್ರೀ ಗೋಪಾಲ ದಾಸರು 

ಆವ ರೋಗವು  ಎನಗೆ ದೇವಧನ್ವಂತ್ರಿ ||ಪ||

ಸಾವಧಾನದಿ ಕೈಯ್ಯ ಪಿಡಿದು ನೀ ನೋಡಯ್ಯ ||ಅ.ಪ.||

ಹರಿಮೂರ್ತಿಗಳು ಕಾಣಿಸವು ಎನ್ನ ಕಂಗಳಿಗೆ

ಹರಿಯ ಕೀರ್ತನೆಯು ಕೇಳಿಸದೆನ್ನ ಕಿವಿಗೆ
ಹರಿ ಮಂತ್ರ ಸ್ತೋತ್ರ ಬಾರದು ಎನ್ನ ನಾಲಿಗೆಗೆ

ಹರಿ ಪ್ರಸಾದವು ಜಿಹ್ವೆಗೆ ಸವಿಯಾಗದಯ್ಯ||೧||

ಹರಿಪಾದ ಸೇವೆಗೆನ್ನ ಹಸ್ತಗಳು ಚಲಿಸವು

ಗುರುಹಿರಿಯರಂಘ್ರಿಗೆ ಶಿರ ಬಾಗದಯ್ಯ
ಹರಿಯ ನಿರ್ಮಾಲ್ಯವಾಘ್ರಾಣಿಸದು ನಾಸಿಕವು

ಹರಿಯಾತ್ರೆಗಳಿಗೆನ್ನ ಕಾಲೇಳದಯ್ಯ||೨||

ಅನಾಥಬಂಧು ಗೋಪಾಲವಿಠಲರೇಯ

ಎನ್ನ ಭಾಗದ ವೈದ್ಯ ನೀನೆಯಾದೆ
ಅನಾದಿ ಕಾಲದ ಭವರೋಗ ಕಳೆಯಯ್ಯ

ನಾನೆಂದಿಗು ಮರೆಯೆ ನೀ ಮಾಡಿದುಪಕಾರ ||೩||

Aava Rogavu Enage Deva Dhanvanthri

Author : Shri Gopala Dasaru

Aava rogavu enage deva dhanvanthri ||p||
saavadhaanadhi kaiyya pididhu nee nodayya ||a pa||

Hari moorthigalu kaanisavu enna kangaLige
Hariya keerthane kelisadenna kivige
Hari mantra stotra baaradhu enna naaligege
Hari prasaadhavu jihvege saviyaagadhayya ||1||

Haripaadha sevegenna hasthagalu chalisavu
Guru hiriyarangrige shira baagadhayya
Hariya nirmaalyavaagraNisadhu naasikavu
Hariyaathregaligenna kaaleladhayya ||2||

Anaatha Bhandhu gopaalavitalareya
Enna Bhaagadha vydya neeneyaadhe
Anaadhi kaalada bhavaroga kaleyayya
Naanendhigoo Mareye nee Maadidupakaara ||3||

Listen to song by Shri Puttur Narasimha Nayak

Listen to song by Padmaja Vasudevachar

Listen to song by Shree Harsha

Listen to song Keetan Holla