ಯಾದವ ನೀ ಬಾ / Yadava Nee Baa

ಯಾದವ ನೀ ಬಾ

ರಚನೆ : ಶ್ರೀ ಪುರಂದರ ದಾಸರು 

ಯಾದವ ನೀ ಬಾ ಯದುಕುಲನಂದನ |
ಮಾಧವ ಮಧುಸೂಧನ ಬಾರೋ ||ಪಲ್ಲವಿ||

ಸೋದರ ಮಾವನ ಮಧುರೆಲಿ ಮಡುಹಿದ
ಯಶೋದೆ ಕಂದ ನೀ ಬಾರೋ ||ಅನುಪಲ್ಲವಿ||

ಶಂಖಚಕ್ರವು ಕೈಯಲಿ ಹೊಳೆಯುತ |
ಬಿಂಕದ ಗೋವಳ ನೀ ಬಾರೋ ||
ಅಕಳಂಕ ಮಹಿಮನೆ ಆದಿನಾರಾಯಣ |
ಬೇಕೆಂಬ ಭಕುತರಿಗೊಲಿಬಾರೋ ||1||

ಕಣಕಾಲಂದುಗೆ ಘಲುಘಲುರೆನುತಲಿ |
ಝಣಝಣ ವೇಣುನಾದದಲಿ ||
ಚಿಣಿಕೋಲು ಚೆಂಡು ಬುಗುರಿಯನಾಡುತ |
ಸಣ್ಣ ಸಣ್ಣ ಗೋವಳರೊಡಗೂಡಿ ಬಾರೋ||2||

ಖಗವಾಹನನೇ ಬಗೆಬಗೆ ರೂಪನೇ |
ನಗುಮೊಗದರಸನೇ ನೀ ಬಾರೋ ||
ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ|
ಪುರಂದರವಿಠಲ ನೀ ಬಾರೋ ||3||

Yadava Nee Baa 

Composer: Purandara Daasa

yAdava nI bA yadukula nandana
mAdhava madhusudana baarO ||pa||
sOdara mAvana madureli maDuhida
yashOde kandA nee bArO||a pa||

shanka chakravu kaiyali hoLeyuta
binkada gOvaLa nee bArO
akaLanka mahimane Adi nArAyaNa
bEkemba bhakutari golibArO ||1||

kaNa kAlanduge ghalu ghalurenutali
jhaNa jhaNa vENu nAdadali
chiNikolu cheNDu buguriya nAduta
sanna sanna gOvaLaroDa gUDi baaro ||2||

khaga vAhananE bage bage rUpanE
nagemogadarasane nI bArO
jagadoLu ninnaya mahimeya pogaLuve
purandara viThala nee bArO ||3||

Soulful rendition by Shri Bhimsen Joshi in link below

Listen to this song by Shri Puttur Narasimha Nayak