ದಾಸನ ಮಾಡಿಕೊ ಎನ್ನ / Dasana MaDiko Enna

ದಾಸನ ಮಾಡಿಕೊ ಎನ್ನ

ರಚನೆ : ಶ್ರೀ ಪುರಂದರ ದಾಸರು

ದಾಸನ ಮಾಡಿಕೊ ಎನ್ನ ಸ್ವಾಮಿ
ಸಾಸಿರ ನಾಮದ ವೆಂಕಟರಮಣ || ಪ ||

ದುರ್ಬುದ್ಧಿಗಳನೆಲ್ಲ ಬಿಡಿಸೊ ನಿನ್ನ
ಕರುಣ-ಕವಚವೆನ್ನ ಹರಣಕೆ ತೊಡಿಸೊ
ಚರಣಸೇವೆ ಎನಗೆ ಕೊಡಿಸೊ ಅಭಯ
ಕರ ಪುಷ್ಪವ ಎನ್ನ ಶಿರದಲ್ಲಿ ಮುಡಿಸೊ ||೧||

ದೃಢಭಕ್ತಿ ನಿನ್ನಲ್ಲಿ ಬೇಡಿ ನಾ
ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ ||೨||

ಮೊರೆಹೊಕ್ಕವರ ಕಾಯುವ ಬಿರುದು ಎನ್ನ
ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತಗಳೆಲ್ಲವ ತರಿದು ಸಿರಿ
ಪುರಂದರ ವಿಠಲ ಎನ್ನನು ಪೊರೆದು ||೩||

Dasana MaDiko Enna

Author : Shri Purandara Dasaru

dAsana mADiko enna swAmi
sAsira nAmada venkaTa-ramaNa ||p||

durbudhdhigaLa nella biDiso ninna
karuNa-kavachvenna haranake toDiso
charanasEve enage koDiso abhaya
kara-pushpa yennaya shiradalli muDiso ||1||

dRDhabhakthi ninnalli beDi naa
aDigeraguvenayya anudina pADi
kaDegaNNalekenna noaDi bidade
koDu ninna dhyaanava manashuchi maaDi ||2||

morehokka vara kAyuva birudu nee
mareyade rakshaNe mADayya poredu
durithagaLellava taridu siri
purandara viThalana karunadi poredu ||3||



Listen to song by Shri MS Subbalakshmi

Listen to song by Bellur Sisters

Listen to song by Shri Puttur Narasimha Nayak

Listen to song by Shri Shankar Shanbhouge