ಆವ ಸಿರಿಯಲಿ ನೀನು ಎನ್ನ ಮರೆತೆ / Ava Siriyali Neenu Enna Marete

ರಚನೆ :ಶ್ರೀ ಕನಕದಾಸರು

ಆವ ಸಿರಿಯಲಿ ನೀನು ಎನ್ನ ಮರೆತೆ ?
ದೇವ ಜಾನಕಿರಮಣ ಪೇಳು ರಘುಪತಿಯೆ ? ।।ಪ।।

ಸುರರ ಸೆರೆಯನು ಬಿಡಿಸಿ ಬಂದನೆಂಬಾ ಸಿರಿಯೆ
ಕರಿ ಮೊರೆಯ ಲಾಲಿಸಿದೆನೆಂಬ ಸಿರಿಯೆ ?
ಶರಧಿ ಸೇತುವೆಯ ಕಟ್ಟಿದೆನೆನ್ನುವಾ ಸಿರಿಯೆ
ಸ್ಥಿರವಾಗಿ ಹೇಳೆನಗೆ ಹೇಳು ರಘುಪತಿಯೆ ।।೧।।

ಕಡಲೊಳಗೆ ಮನೆ ಮಾಡಿ ಮಲಗಿದೆನೆಂಬಾ ಸಿರಿಯೆ
ಮೃಡ ನಿನ್ನ ಸಖನಾದನೆಂಬ ಸಿರಿಯೆ ?
ಬಿಡದೆ ದ್ರೌಪದಿ ಮಾನ ಕಾಯ್ದನೆಂಬ ಸಿರಿಯೆ
ದೃಢವಾಗಿ ಹೇಳೆನಗೆ ದೇವಕೀಸುತನೆ ।।೨।।

ಭೂಮಿಯನು ಮೂರಡಿಯ ಮಾಡಿದೆನೆಂಬ ಸಿರಿಯೆ
ಕಾಮ ನಿನ್ನ ಸುತನಾದನೆಂಬ ಸಿರಿಯೆ
ಆ ಮಹಾಲಕುಮಿ ನಿನ್ನ ಸತಿಯಾದಳೆಂಬ ಸಿರಿಯೆ
ಪ್ರೇಮದಲಿ ಹೇಳೆನಗೆ ಸ್ವಾಮಿ ಅಚ್ಯುತನೆ ।।೩।।

ಮನುಜರೆಲ್ಲರು ನಿನ್ನ ಸ್ತುತಿಸುವರೆಂಬ ಸಿರಿಯೆ
ಹನುಮ ನಿನ್ನ ಬಂಟನಾದೆನೆಂಬ ಸಿರಿಯೆ
ಬಿನುಗುದೈವಗಳು ನಿನಗೆಣೆಯಿಲ್ಲವೆಂಬ ಸಿರಿಯೆ
ಅನುಮಾನ ಮಾಡದೆ ಪೇಳೋ ನರಹರಿಯೆ ।।೪।।

ಇಂತು ಸಿರಿಯಲಿ ನೀನು ಎನ್ನ ಮರೆತರೆ ಸ್ವಾಮಿ
ಪಂಥವೇ ನಿನಗಿದು ಆವಾ ನಡತೆ
ಕಂತುಪಿತ ಕಾಗಿನೆಲೆಯಾದಿಕೇಶವ ರಂಗ
ಚಿಂತೆಯನು ಬಿಡಿಸಿ ಸಂತೋಷಪಡಿಸೊ ।।೫।।

Author : Shri Kanakadasaru

Ava siriyali neenu enna marete 

dEva jAnakIraMaNa pELu raghupatiye ।।pa।।

surara sareyanu biDisi bandanembA siriyE 

kari moreya lAlisidenemba siriyE
sharadhi sEtiveya gaTTidenennuva siriyE 

sthiravAgi hELanage hELu raghupatiyE ।।1।।

kaDaloLage mane mADi malagidenembA siriyE 

mrDha ninna sakhanAdanemba siriyE
biDaede draupadi mAna kAidanemba siriyE 

drDhavAgi hELanage dEvakI sutanE ।।2।।

bhUmiyenu mUraDiya mADidanemba siriyE 

kAma ninna sutanAdanemba siriyE
A mahA lakumi ninna stiyAdaLembe siriyE 

prEmadali hELanage svAmi achyutanE ।।3।।

manujarellaru ninna stutisuavaremba siriyE 

hanuma ninna baNTanAdanembe siriyE
binugu deivagaLu ninageNevillavemba siriye 

anumAna mADade pELO narahariyE ।।4।।

intu siriyali nIna maretare svAmi 

panthavE ninagidu Ava naDate
kantupita kAganeleyAdi kEshava ranga 

chinteyanu biDisi santOSavanu paDiso ।।5।।

Listen to song by Late Shri Mysore Anantaswamy

Listen to song by Sthuthi Bhat MS

Listen to song by Shri Snehaja Praveen