ಬವ್ವು ಬಂದಿತಲ್ಲ / Bavvu Banditalla

ಬವ್ವು ಬಂದಿತಲ್ಲ 

ರಚನೆ : ಶ್ರೀ ಪುರಂದರ ದಾಸರು 

ಬವ್ವು ಬಂದಿತಲ್ಲ, ರಂಗಯ್ಯ, ಬವ್ವು ಬಂದಿತಲ್ಲ ||ಪ||
ಬವ್ವು ನಿನ್ನ ಕಾಲು ಕಚ್ಚಿತೋ ಕೃಷ್ಣ ||ಅ||

ಸೆರಗು ಪಿಡಿದು ನೀ ಹೇಳದೆ ಮಲಗೊ
ತಿರುಗಿದರೆ ನೋಡು ಮತ್ತಿಲ್ಲೆ
ಬೂದಿಯ ಹಚ್ಚಿದೆ ಕೂದಲು ಬಿಚ್ಚಿದೆ
ಸ್ವಾದವ ಕಂಡು ಬಂದಿತಿಲ್ಲಿ ||೧||

ಹಿಡಿದ ತ್ರಿಶೂಲ ಪಿಡಿದ ಕಪಾಲ
ಮುಕ್ಕಣ್ಣಲಿ ಕಿಡಿಯುದುರಿಸುತ
ಹಾವು ಕೊರಳಲಿಟ್ಟು ಹುಲಿಯ ಚರ್ಮವ ಹೊದ್ದು
ಸುತ್ತಲಿ ಬರುತಿದೆ ಬವ್ವುತನ ದಂಡು ||೨||

ಕಪ್ಪುಗೊರಳ ಬವ್ವು ಒಪ್ಪುವ ಎತ್ತನೇರಿ
ತಪ್ಪದೆ ಬಂದೀತು ಬಿಡು ಮುನ್ನೆ
ಅಪ್ಪ ಕೃಷ್ಣರಾಯ ಪುರಂದರವಿಠಲನೆ
ಒಪ್ಪಿಸಿ ಕೊಡುವೆನು ಈಗಲೆ ನಿನ್ನ ||೩||

Bavvu Banditalla

Author : Shri Purandara Dasaru

bavvu banditalla, rangayya, bavvu banditalla ||pa||

Bavvu ninna kalu kachchito krishna ||a||

Seragu pididu ni heLade malago
Tirugidare nodu mattille
Budiya hachchide koodalu bichchide
Svaadava kanDu banditilli ||1||

HiDida trishoola piDida kapala
Mukkannali kidiyudurisuta
Haavu koraLalittu huliya charmava hoddu
Suttali barutide bavvutana dandu ||2||

KappugoraLa bavvu oppuva ettaneri
Tappade baneetu bidu munne
Appa krishnaraya purandaravithalane
Oppisi koduvenu eegale ninna ||3||