ರಾಮ ಎಂಬುವ ಎರಡು ಅಕ್ಷರದ ಮಹಿಮೆ / Rama embuva eradu aksharada mahime

ರಾಮ ಎಂಬುವ ಎರಡು ಅಕ್ಷರದ ಮಹಿಮೆ

ರಚನೆ : ಶ್ರೀ ಪುರಂದರ ದಾಸರು

ರಾಮ ಎಂಬುವ ಎರಡು ಅಕ್ಷರದ ಮಹಿಮೆಯನು
ಪಾಮರರು ತಾವೇನು ಬಲ್ಲಿರಯ್ಯ ||ಪ||

ರಾ ಎಂದ ಮಾತ್ರದೊಳು ರಕ್ತ ಮಾಂಸದೊಳಿದ್ದ
ಆಯಸ್ಥಿತಗತವಾದ ಅತಿ ಪಾಪವನ್ನು
ಮಾಯವನು ಮಾಡಿ ಮಹರಾಯ ಮುಕ್ತಿಯ ಕೊಡುವ
ದಾಯವನು ವಾಲ್ಮೀಕಿ ಮುನಿರಾಯ ಬಲ್ಲ ||೧||

ಮತ್ತೆ ಮಾ ಎಂದೆನಲು ಹೊರಬಿದ್ದ ಪಾಪಗಳು
ಒತ್ತಿ ಒಳ ಪೋಗದಂತೆ ಕವಾಟವಾಗಿ
ಚಿತ್ತ ಕಾಯಗಳ ಪವಿತ್ರ ಮಾಡುವ ಪರಿಯ
ಭಕ್ತವರ ಹನುಮಂತನೊಬ್ಬ ತಾ ಬಲ್ಲ ||೨||

ಧರೆಯೊಳೀ ನಾಮಕ್ಕೆ ಸರಿಮಿಗಿಲು ಇಲ್ಲೆಂದು
ಪರಮ ವೇದಗಳೆಲ್ಲ ಪೊಗಳುತಿಹವು
ಸಿರಿಯರಸ ಪುರಂದರವಿಟ್ಠಲ ನಾಮವನು
ಸಿರಿ ಕಾಶಿಯೊಳಗಿಪ್ಪ ಶಿವನು ತಾ ಬಲ್ಲ ||೩||

Rama embuva eradu aksharada mahime

Author : Shri Purandara Dasaru

Rama embuva eradu aksharada mahimeyanu
Paamararu taavenu ballirayya ||pa||

Ra enda maatradoLu rakta maamsadoLidda
Ayasthitagatavada ati papavannu
Maayavanu maadi maharaya muktiya koduva
Daayavanu valmiki muniraya balla ||1||

Matte ma endenalu horabidda paapagalu
Otti oLa pOgadante kavatavaagi
Chitta kayagala pavitra maduva pariya
Bhaktavara hanumantanobba taa balla ||2||

Dhareyolee namakke sari migilu illendu
Parama vedagalella pogaLutihavu
Siriyarasa purandara vittala namavanu
Siri kasihyolagippa Shivanu ta balla ||3||

Listen to song by Shri Puttur Narasimha Nayak