aava kaDeyinda bande vaajivadanane / ಆವ ಕಡೆಯಿಂದ ಬಂದೆ ವಾಜಿವದನನೆ

ರಚನೆ : ಶ್ರೀ ವಾದಿರಾಜರು 

ಆವ ಕಡೆಯಿಂದ ಬಂದೆ ವಾಜಿವದನನೆ |

ಭಾವಿಸುತ ವಾದಿರಾಜ ಮುನಿಯ ಕಾಣುತ || ಪ ||
ನೇವರಿಸಿ ಮೈಯ ತಡವಿ ನೇಹದಿಂದಲಿ |
ಮೇಲು ನೈವೇದ್ಯವನ್ನು ಇತ್ತು ಭಜಿಸುವೆ || ಅ. ಪ. ||

ಭಕುತಿ ಕಡಲೆ ಜ್ಞಾನ ವೈರಾಗ್ಯ ಬೆಲ್ಲದ |
ಮುಕುತಿ ಆನಂದ ಸುಖದ ಕ್ಷೀರ ಲಡ್ಡಿಗೆ |
ಯುಕುತಿ ಧ್ಯಾನ ಕೊಟ್ಟು ನೀನು ಎಲ್ಲ ಮಾತಲಿ |
ಶಕುತಿ ಸಂತೋಷ ಮಹಿಮೆ ತೋರ ಬಂದೆಯ || 1 ||

ಹೆತ್ತ ತುಪ್ಪ ಸಕ್ಕರೆಯ ಮಾಡಿ ಮುದ್ದೆಯ |
ತುತ್ತು ಮಾಡಿ ಕೊಡಲು ಅದನು ಮೆಲುತ ಮೆಚ್ಚುತ |
ಅತ್ಯಂತ ಸಂತೋಷ ನೀನು ಆಟ ತೋರುತ |
ಭೃತ್ಯ ವಾದಿರಾಜ ಮುನಿಯ ಸಲಹ ಬಂದೆಯ || 2 ||

ಫಲವ ಕೊಟ್ಟು ರಕ್ಷಿಸಿದಿ ವಾಜಿವದನನೆ |
ನಿಲುವೋ ಜ್ಞಾನ ಭಕ್ತಿಯನ್ನು ನೀಡ ಬಂದೆಯ |
ಸುಲಭ ಸುಮುಖ ಸುಪ್ರಸನ್ನ ಹಯವದನನೆ |
ಚೆಲುವ ಚಿನ್ಮಯ ಮೂರ್ತಿ ನಮ್ಮ ಸಲಹ ಬಂದೆಯ || 3 ||

Author :  Shree Vadirajaru

aava kaDeyinda bande vaajivadanane |
bhaavisuta vaadiraaja muniya kaaNuta || pa ||

nEvarisi maiya taDavi nEhadindali |
mElu naivEdyavannu ittu bhajisuve || a. pa. ||

bhakuti kaDale jnyaana vairaagya bellada |
mukuti aananda sukhada kSheera laDDige |
yukuti dhyaana koTTu neenu ella maatali |
shakuti santOSha mahime tOra bandeya || 1 ||

hetta tuppa sakkareya maaDi muddeya |
tuttu maaDi koDalu adanu meluta mechchuta |
atyanta santOSha neenu aaTa tOruta |
bhRutya vaadiraaja muniya salaha bandeya || 2 ||

phalava koTTu rakShisidi vaajivadanane |
niluvO jnyaana bhaktiyannu neeDa bandeya |
sulabha sumukha suprasanna hayavadanane |
cheluva chinmaya moorti namma salaha bandeya || 3 ||

Listen to song by Padmashree Srirangam

Listen to song by Bombay Jayahshree