apamRutyu pariharisO aniladEva / ಅಪಮೃತ್ಯು ಪರಿಹರಿಸೋ ಅನಿಲದೇವ

ರಚನೆ : ಶ್ರೀ ಜಗನ್ನಾಥ ದಾಸರು 

ಅಪಮೃತ್ಯು ಪರಿಹರಿಸೋ ಅನಿಲದೇವ || ಪ ||
ಕೃಪಣ ವತ್ಸಲನೆ ಕಾಯ್ವರ ಕಾಣೆ ಜಗದೊಳಗೆ || ಅ. ಪ. ||

ನಿನಗಿನ್ನು ಸಮರಾದ ಅನಿಮಿತ್ಯ ಬಾಂಧವರು |
ಎನಗಿಲ್ಲ ಆವಾವ ಜನುಮದಲ್ಲಿ |
ಅನುದಿನವು ನೀನೆಮ್ಮನುದಾಸೀನ ಮಾಡುವುದು |
ಅನುಚಿತವು ಜಗಕೆ ಸಜ್ಜನ ಶಿಖಾಮಣಿಯೇ || 1 ||

ಕರುಣಾಭಿಮಾನಿಗಳು ಕಿಂಕರರು ಮೂರ್ಲೋಕ |
ದೊರೆಯು ನಿನ್ನೊಳಗಿಪ್ಪ ಸರ್ವ ಕಾಲ |
ಪರಿಸರನೇ ಈ ಭಾಗ್ಯ ದೊರೆತನಕೆ ಸರಿಯುಂಟೆ |
ಗುರುವರನೆ ನೀ ದಯಾಕರನೆಂದು ಪ್ರಾರ್ಥಿಸುವೆ || 2 ||

ಭವ ರೋಗ ಮೋಚಕನೆ ಪವಮಾನರಾಯ |
ನಿನ್ನವರವನು ನಾನು ಮಾಧವನ ಪ್ರೀಯನೇ |
ಜವನ ಬಾಧೆಯ ಬಿಡಿಸು ಅವನಿಯೊಳು ಸುಜನರಿಗೆ |
ದಿವಿಜ ಗಣ ಮದ್ಯದೊಳು ಪ್ರವರನೀನಹುದೊ || 3 ||

ಜ್ಞಾನಾಯ ರೂಪಕನು ನೀನಹುದೋ ವಾಣಿ |
ಪಂಚಾನನಾದ್ಯಮರರಿಗೆ ಪ್ರಾಣದೇವ |
ದೀನ ವತ್ಸಲನೆಂದು ನಾ ನಿನ್ನ ಮೊರೆ ಹೊಕ್ಕೆ |
ದಾನವಾರಣ್ಯ ಕೃಶಾನು ಸರ್ವದಾ ಎಮ್ಮ || 4 ||

ಸಾಧನ ಶರೀರವಿದು ನೀ ದಯದಿ ಕೊಟ್ಟದ್ದು |
ಸಾಧಾರಣವಲ್ಲ ಸಾಧು ಪ್ರಿಯನೇ |
ವೇದವಾದೋದಿತ ಜಗನ್ನಾಥವಿಠ್ಠಲನ |
ಪಾದ ಭಕುತಿಯನಿತ್ತು ಮೋದ ಕೊಡು ಸತತ || 5 ||

Author : Shree Jagannatha Dasaru

apamRutyu pariharisO aniladEva || pa ||
kRupaNa vatsalane kaayvara kaaNe jagadoLage ||a. pa. ||

ninaginnu samaraada animitya baaMdhavaru |
enagilla aavaava janumadalli |
anudinavu neenemmanudaaseena maaDuvudu |
anucitavu jagake sajjana shikhaamaNiyE || 1 ||

karuNaabhimaanigaLu kiMkararu moorlOka |
doreyu ninnoLagippa sarva kaala |
parisaranE ee bhaagya doretanake sariyuMTe |
guruvarane nee dayaakaraneMdu praarthisuve || 2||

bhava rOga mOcakane pavamaanaraaya |
ninnavaravanu naanu maadhavana prIyanE |
javana baadheya biDisu avaniyoLu sujanarige |
divija gaNa madyadoLu pravaraneenahudo || 3 ||

jaanaaya roopakanu neenahudO vaaNi |
paMcaananaadyamararige praaNadEva |
deena vatsalaneMdu naa ninna more hokke |
daanavaaraNya kRushaanu sarvadaa emma || 4 ||

saadhana shareeravidu nee dayadi koTTaddu |
saadhaaraNavalla saadhu priyanE |
vEdavaadOdita jagannaathaviThThalana |
paada bhakutiyanittu mOda koDu satata || 5 ||

Listen to song by Shri Jagannatha Dasaru

Listen to song by Anant Kulkarni

Listen to song by NaadaNinaada