ಕಲಿಯುಗದೊಳು ಹರಿನಾಮವ ನೆನೆದರೆ / Kaliyugadolu Harinaamava Nenedare

ರಾಗ :ಜಂಜುಟಿ 

ರಚನೆ : ಶ್ರೀ ಪುರಂದರ ದಾಸರು 

ಕಲಿಯುಗದೊಳು ಹರಿನಾಮವ ನೆನೆದರೆ
ಕುಲಕೋಟಿಗಳು ಉದ್ಧರಿಸುವುವು | ರಂಗ ||ಪ.||
ಸುಲಭದ ಭಕುತಿಗೆ ಸುಲಭನೆಂದೆನಿಸುವ
ಜಲರುಹನಾಭನ ನೆನೆ ಮನವೆ ||ಅ.ಪ.||

ಸ್ನಾನವನರಿಯೆ ಮೌನವನರಿಯೆ
ಧ್ಯಾನವನರಿಯೆನೆಂದು ಎನಬೇಡಾ
ಜಾನಕಿವಲ್ಲಭ ದಶರಥನಂದನ
ಗಾನವಿಲೋಲನ ನೆನೆ ಮನವೆ ||೧||

ಅರ್ಚಿಸಲರಿಯೆ ಮೆಚ್ಚಿಸಲರಿಯೆ
ತುಚ್ಛನು ನಾನೆಂದು ಎನಬೇಡಾ
ಅಚ್ಯುತಾನಂತ ಗೋವಿಂದ ಮುಕುಂದನ
ಇಚ್ಛೆಯಿಂದಲಿ ನೆನೆ ಮನವೆ ||೨||

ಜಪವೊಂದರಿಯೆ ತಪವೊಂದರಿಯೆ
ಉಪದೇಶವಿಲ್ಲೆಂದೆನಬೇಡಾ
ಅಪಾರಮಹಿಮ ಶ್ರೀ ಪುರಂದರ ವಿಠಲನ
ಉಪಾಯದಿಂದಲಿ ನೆನೆ ಮನವೆ ||೩||

Raaga: JanjUTi

Composer: Sri Purandara Dasaru

kaliyugadoLu harinaamava nenedare
kulakOTigaLu uddharisuvuvu | ranga ||pa.||
sulabhada bhakutige sulabhanendenisuva
jalaruhanaabhana nene manave ||a.pa.||

snaanavanariye maunavanariye
dhyaanavanariyenendu enabEDaa
jaanakivallabha dasharathanandana
gaanavilOlana nene manave ||1||

archisalariye mechchisalariye
tuchchanu naanendu enabEDaa
achyutaananta gOvinda mukundana
ichcheyindali nene manave ||2||

japavondariye tapavondariye
upadEshavillendenabEDaa
apaaramahima shrI purandara viThalana
upaayadindali nene manave ||3||

Listen to song by Shri Vidyabhushana

Listen to song by Shri Pt Venkatesh Kumar

Listen to song by Dr Rajkumar