ಅಂಗಳದೊಳು ರಾಮನಾಡಿದಾ / angaLadOLu raamanaaDidaa

ರಚನೆ : ಶ್ರೀ ಕನಕ ದಾಸರು 
ಅಂಗಳದೊಳು ರಾಮನಾಡಿದಾ |
ಚಂದ್ರ ಬೇಕೆಂದು ತಾ ಹಟ ಮಾಡಿದಾ || ಪ ||

ತಾಯಿಯ ಕರೆದು ಕೈ ಮಾಡಿ ತೋರಿದಾ |
ಮುಗಿಲ ಕಡೆಗೊಮ್ಮೆ ದಿಟ್ಟಿಸಿ ನೋಡಿದಾ |
ಚಿನ್ನಿ ಕೋಲು ಚೆಂಡು ಬುಗುರಿ ಎಲ್ಲವಾ |
ಬೇಡಾ ಬೇಡಾ ಎಂದು ಬೀಸಾಡಿದಾ || 1 ||

ಕಂದ ಬಾ ಎಂದು ತಾಯಿ ಕರೆದಳು |
ಮಮ್ಮು ಉಣ್ಣೆಂದು ಬಣ್ಣಿಸುತ್ತಿದ್ದಳು |
ತಾಯಿ ಕೌಸಲ್ಯಾ ಕಳವಳಗೊಂಡಳು |
ಕಂದ ಅಂಜಿದನು ಎನ್ನುತ್ತಿದ್ದಳು || 2 ||

ಅಳುವ ಧ್ವನಿ ಕೇಳಿ ರಾಜನು |
ಮಂತ್ರಿ ಸಹಿತಾಗಿ ಧಾವಿಸಿ ಬಂದನು |
ನಿಲುವ ಕನ್ನಡಿ ತಂದಿರಿಸಿದಾ |
ಶ್ರೀರಾಮನ ಎತ್ತಿ ಮುದ್ದಾಡಿದಾ || 3 ||

ಕನ್ನಡಿಯೊಳು ಬಿಂಬ ನೋಡಿದಾ |
ಚಂದ್ರ ಸಿಕ್ಕಿದನೆಂದು ಕುಣಿದಾಡಿದಾ |
ಈ ಸಂಭ್ರಮ ನೋಡಿ ಆದಿ ಕೇಶವ |
ರಘುವಂಶವನ್ನೇ ಕೊಂಡಾಡಿದಾ || 4 ||

Author : Shri Kanaka Dasaru

angaLadOLu raamanaaDidaa |
chandra bEkendu taa haTa maaDidaa || pa ||

taayiya karedu kai maaDi tOridaa |
mugila kaDegomme diTTisi nODidaa |
chinni kOlu chenDu buguri ellavaa |
bEDaa bEDaa endu beesaaDidaa || 1 ||

kanda baa endu taayi karedaLu |
mammu uNNendu baNNisuttiddaLu |
taayi kousalyaa kaLavaLagonDaLu |
kanda anjidanu ennuttiddaLu || 2 ||

aLuva dhwani kELi raajanu |
mantri sahitaagi dhaavisi bandanu |
niluva kannaDi tandirisidaa |
shreeraamana etti muddaaDidaa || 3 ||

kannaDiyoLu bimba nODidaa |
chandra sikkidanendu kuNidaaDidaa |
ee sambhrama nODi aadi kEshava |
raghuvamshavannE konDaaDidaa || 4 ||

Listen to song by Puttur Narasimha Nayak